"ნაციონალური მოძრაობა" 19:00 საათზე პარლამენტთან მორიგ აქციას გამართავს
"ნაციონალური მოძრაობის" ლიდერმა ნიკა მელიამ იუსტიციის სამინისტროსთან შეკრებილ მოქალაქეებს მხარდაჭერისთვის მადლობა გადაუხადა და დღეს დაგეგმილი აქციის შესახებ ისაუბრა.
იუსტიციის სამინისტროსთან, სიტყვით გამოსვლისას მელიამ აქციის მონაწილეებს მიმართა, რომ საღამოს, 19:00 საათზე რუსთაველზე, პარლამენტის წინ შეიკრიბონ.
"მნიშვნელოვანია, შვიდ საათზე ჩვენ და კიდევ ძალიან ბევრნი ვიყოთ რუსთაველზე, პარლამენტთან", – განაცხადა ნიკა მელიამ.
ნიკა მელიამ გამოაცხადა საპროტესტო გამოსვლების მონაწილეთა სამი მოთხოვნა: მიხეილ სააკაშვილის გადაყვანა მრავალპროფილიან, სამოქალაქო კლინიკაში, წართმეული არჩევნების დაბრუნება და მიხეილ სააკაშვილის გათავისუფლება.
იუსტიციის სამინისტროსთან შეკრებილი მოქალაქეები მსჯავრდებული პრეზიდენტის, მიხეილ სააკაშვილის რუსთავის მე-12 პენიტენციური დაწესებულებიდან გლდანის მე-18 დაწესებულებაში მისი ნების საწინააღმდეგოდ გადაყვანას აპროტესტებდნენ. მიხეილ სააკაშვილი, მისი უფლებადამცველები და თანამებრძოლები მიიჩნევენ, რომ გლდანში ყოფილი პრეზიდენტის სიცოცხლე და უსაფრთხოება სათანადოდ ვერ იქნება დაცული.
პენიტენციური სამსახურის ინფორმაციით, ჯანმრთელობის მდგომარეობის გაუარესების პრევენციის მიზნით და მომატებული საფრთხეებიდან გამომდინარე პატიმარი მიხეილ სააკაშვილი გადაყვანილია მე-12 პენიტენციური დაწესებულებიდან N18 ბრალდებულთა და მსჯავრდებულთა სამკურნალო დაწესებულებაში.
მანამდე ექსპრეზიდენტის პირადმა ექიმმა ნიკოლოზ ყიფშიძემ განაცხადა, რომ კონსილიუმმა მიხეილ სააკაშვილის სამოქალაქო კლინიკაში დაუყოვნებლივ გადაყვანის გადაწყვეტილება მიიღო.
საქართველოს ყოფილი პრეზიდენტი, მიხეილ სააკაშვილი 1-ელ ოქტომბერს დააკავეს. პატიმრობაში მყოფმა სააკაშვილმა შიმშილობა გამოაცხადა. სააკაშვილის ადვოკატები და სახალხო დამცველი ყოფილი პრეზიდენტის სამოქალაქო საავადმყოფოში გადაყვანას ითხოვენ, იუსტიციის სამინისტრო კი აცხადებს, რომ #18 სასჯელაღსრულების (სამკურნალო) დაწესებულებაში სააკაშვილის მკურნალობისთვის ყველა აუცილებელი პირობა არსებობს.
მიხეილ სააკაშვილი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. აღნიშნულ საქმეებზე სასამართლოს მიერ გამოტანილი გადაწყვეტილებები საბოლოოა და არ საჩივრდება. სააკაშვილი დაკავების დღიდან, მე-40 დღეა შიმშილობს.
ამავე თემაზე:
მთავარი სიახლეები
1762704635
ახალი ამბებიქუთაისთან, ავტომაგისტრალზე ავარიას ერთი ადამიანი ემსხვერპლა
ქუთაისთან, ავტომაგისტრალზე, თერჯოლის მიმართულებით ავტოსაგზაო შემთხვევა მოხდა, რასაც ერთი ადამიანი ემსხვერპლა, ერთი კი დაშავდა. გავრცელებული ინფორმაციით, ერთმანეთს ტვირთმზიდი და მსუბუქი ავტომობილი შეე...
1762700869
ახალი ამბებიზვიად გაბისონია: ხელმძღვანელის წერილობითი თანხმობით, პედაგოგებს აქვთ უფლება განახორციელონ სხვა ანაზღაურებადი პედაგოგიური, სამეცნიერო, შემოქმედებითი, ასევე, სპორტული საქმიანობა, ამ მიმართულებით არ არსებობს რაიმე ტიპის შეზღუდვა
„კორუფციის წინააღმდეგ ბრძოლის შესახებ საქართველოს კანონში შეტანილი ცვლილებების თანახმად, საჯარო სკოლებში დასაქმებულ პედაგოგებს ენიჭებათ უფლება, განახორციელონ სხვა ანაზღაურებადი პედაგოგიური, სამეცნიერ...
1762699096
ახალი ამბებიგიორგი გაბუნია: ეს ადამიანები წლების განმავლობაში ეწეოდნენ სახელმწიფო საბოტაჟს, პროპაგანდას იმისას, რომ საქართველოში დაწყებულიყო სამოქალაქო არეულობა, დაპირისპირება, საკმაოდ კარგად ფინანსდებოდნენ გარედან, მათ მოუწევთ ამისთვის პასუხისგება
„ეს ადამიანები წლების განმავლობაში ეწეოდნენ სახელმწიფო საბოტაჟს, პროპაგანდას, რომ საქართველოში დაწყებულიყო სამოქალაქო არეულობა და დაპირისპირება“, - განაცხადა პარლამენტის კულტურის კომიტეტის თავმჯდომარ...
1762692298
ახალი ამბებიმაია ბუწაშვილი: მუნი ძნელად გადადის, ტრანსპორტში ან სხვა საზოგადოებრივ ადგილებში ზედაპირებზე შეხებით ამ დაავადების გადაცემა არ ხდება
„მუნი ძნელად გადადის და ტრანსპორტში ან სხვა საზოგადოებრივ ადგილებში ზედაპირებზე შეხებით ამ დაავადების გადაცემა არ ხდება“, - ამის შესახებ სოციალურ ქსელში ინფექციონისტი მაია ბუწაშვილი წერს. „მუნზე შიში...
1762688590
ახალი ამბებიგურამ მაჭარაშვილი: ხოშტარია-ჯაფარიძის ეს ჩანაწერი არ იყო მოულოდნელი საზოგადოებისთვის, რადგან ერთსაც და მეორესაც არაერთხელ უთქვამთ საჯაროდ, რომ საკუთარ ქვეყანას მტრობენ
ხოშტარია-ჯაფარიძის ეს ჩანაწერი არ იყო მოულოდნელი საზოგადოებისთვის, რადგან, ერთსაც და მეორესაც არა ერთხელ უთქვამს საჯაროდ, რომ ისინი მტრობენ საკუთარ ქვეყანას, - განაცხადა „ხალხის ძალის“ აღმასრულებელმა...
