სუსთან აქციაზე პოლიციამ 15-მდე პირი, ტერიტორიიდან განარიდა

სახელმწიფო უსაფრთხოების სამსახურის შენობასთან, საქართველოს მესამე პრეზიდენტის მიხეილ სააკაშვილის სამოქალაქო კლინიკაში გადაყვანის მოთხოვნით, გაერთიანებული ოპოზიციის საპროტესტო აქცია მიმდინარეობს. 

აქციის მონაწილეებმა სუსის შენობის ბლოკირება სცადეს, რასაც  ტელეკომპანია "იმედის" ინფორმაციით, 15-მდე ადამიანის ტერიტორიიდან განრიდება მოჰყვა.

ამ წუთებში გაერთიანებული ოპოზიცია დედაქალაქის 4 სხვადასხვა ადგილზე პარალელურ რეჟიმში საპროტესტო აქციას მართავს. 

შსს-ს ამ დრომდე აღნიშნულთან დაკავშირებით, კომენტარი არ გაუვრცელებია, უცნობია აღნიშნული პირები დააკავეს თუ უბრალოდ უსაფრთხოებიდან გამომდინარე განარიდეს ტერიტორიას.

მიხეილ სააკაშვილი მე-40 დღეა შიმშილობს. ის გლდანის ციხის საავადმყოფოში იმყოფება. უარს აცხადებს კონსილიუმთან შეხვედრაზე და ითხოვს სამოქალაქო კლინიკაში გადაყვანას. მიხეილ სააკაშვილი გლდანის ციხეში 8 ნოემბერს გადაიყვანეს. მისი თქმით, ის მოატყუეს და არ იყო ინფორმირებული რომ გლდანის ციხეში მიჰყავდათ. სახელმწიფო ინსპექტორის სამსახურმა, საქართველოს მესამე პრეზიდენტის მიხეილ სააკაშვილის მიმართ განხორციელებული შესაძლო არაადამიანური მოპყრობის ფაქტზე გამოძიება დაიწყო.
 

ამავე თემაზე:

🔲 "ღამე შენობებთან თენება ამ ეტაპზე არაეფექტური მგონია. უნდა ვიმოქმედოთ დილიდან, მთელი დღის განმავლობაში დემორალიზებული და ძალოვნების იმედად დარჩენილი რეჟიმის გამოსაშიგნად" - ნიკა მელია