ნანგრევები ერთ დროს ბედნიერ ქალაქებში, ხანძრის შავი კვალი... სულ ეს არის, რაც რუსეთს შეუძლია მისცეს თავის მეზობლებს, ევროპასა და მსოფლიოს - ზელენსკი

დონბასში ძალიან სასტიკი ბრძოლა გრძელდება. ამ სახელებს ყოველდღე ვიმეორებ: სევეროდონეცკი, ლისიჩანსკი, ბახმუტი, სლოვიანსკი, ბევრი, ბევრი სხვა, - აცხადებს უკრაინის პრეზიდენტი.

ვოლოდიმირ ზელენსკის თქმით, რუსეთს დონბასის ყველა ქალაქის განადგურება სურს.

„რუსეთს სურს გაანადგუროს დონბასის ყველა ქალაქი, სიტყვა "ყველა" არ არის გაზვიადებული. სურს გაანადგუროს ისე, როგორც ვოლნოვახა, მარიუპოლი. მთელი ეს ნანგრევები ერთ დროს ბედნიერ ქალაქებში, ხანძრის შავი კვალი, აფეთქებების შედეგად წარმოქმნილი კრატერები - სულ ეს არის, რაც რუსეთს შეუძლია მისცეს თავის მეზობლებს, ევროპასა და მსოფლიოს. ალბათ, ეს არის ნებისმიერი სახელმწიფოს სრული დეგრადირების უსწრაფესი მაგალითი – გზა, რომელიც რუსეთის სახელმწიფომ 107 დღეში გაიარა”, – განაცხადა ზელენსკიმ.

პრეზიდენტი ამბობს, რომ უკრაინელი სამხედროები ყველაფერს აკეთებენ ოკუპანტების შესაჩერებლად.

“უკრაინელი სამხედროები ყველაფერს აკეთებენ იმისთვის, რომ შეაჩერონ ოკუპანტების თავდასხმები, როგორც შეუძლიათ. რამდენადაც მათ ამის საშუალებას აძლევთ მძიმე იარაღი, თანამედროვე არტილერია, ყველაფერი, რაც ჩვენ ვითხოვეთ და ვითხოვთ ჩვენს პარტნიორებს“, – განაცხადა უკრაინის პრეზიდენტმა..

ასევე დაგაინტერესებთ:

🔵 „10 წლიანი ემიგრაციის შემდეგ, გეუბნებით, რომ ევროპაში არავინ გართმევს ქართველობას, რუსეთისგან განსხვავებით“ - ჟურნალისტი ნინა მამუკაძე

🔵 "არ მიმაჩნია, რომ ვინმეს უნდა გადავყვეთ, ​არც სააკაშვილს, არც გვარამიას და არც ბიძინა ივანიშვილს, ამისთვის ვბრუნდები საქართველოში და იქ დავიცავ ამ მომავალს" - პრეზიდენტის საგანგებო განცხადება ბრიუსელიდან

🔵 „აი, ის, ვითომ ქვეყნის მეგობრებად რომ გვევლინებიან, თავიანთი ქვეყნები ჩართონ ომში“ - კახა კალაძე