ალან გაგლოევმა ბადრა გუნბას ფაშიზმზე გამარჯვების დღე მიულოცა

ცხინვალის დე ფაქტო ლიდერმა ალან გაგლოევმა სოხუმის დე ფაქტო ლიდერს ბადრა გუნბას ფაშიზმზე გამარჯვების დღე მიულოცა. ამის შესახებ Apsadgil.info იუწყება.

„პატივცემულო ბადრა ზუბაბის-ძე! მთელი სულით და გულით გილოცავთ დიდ სამამულო ომში გამარჯვების 81-ე წლისთავს! ეს დღე სამუდამოდ დარჩება ჩვენს მეხსიერებაში, როგორც საბჭოთა ხალხის მამაცობის, გამძლეობის და დაუფასებელი გმირობის სიმბოლო.

1945 წლის 9 მაისს დასრულდა ყველაზე სისხლისმღვრელი ომი კაცობრიობის ისტორიაში. ამ დღეს ჩვენ თავებს ვხრით იმ ადამიანთა წინაშე, ვინც ჩვენი ნათელი მომავლისთვის სიცოცხლე გაწირა და ვინც თავისი გმირობით გამარჯვება გამოკვეთა. ვაფასებთ გმირებს, რომელთა დახმარებითაც დღეს ჩვენ თავისუფლად ვცხოვრობთ.

გამარჯვების დღე არ არის უბრალოდ ისტორიული თარიღი, ეს არის საერთო მტრის წინაშე ჩვენი ხალხის ერთიანობის და სულის სიმტკიცის სიმბოლო. დღესაც, წინა წლების მსგავსად, ჩვენი მეომრები მხარდამხარ იბრძვიან სპეციალური სამხედრო ოპერაციის დროს. ისინი იბრძვიან სამართლიანობისთვის, უსაფრთხოებისა და თავისუფალი განვითარებისთვის.

ამ ღირსშესანიშნავ დღეს,  ბადრა ზურაბის-ძევ, მე გისურვებთ თქვენ და მთელ აფხაზ ხალხს მტკიცე ჯანმრთელობას, წარმატებას, აყვავებას და მშვიდობიან ცას. კიდევ ერთხელ გილოცავთ დიდი გამარჯვების დღეს!“ - წერს ალან გაგლოევი.