კონსტიტუციური წესრიგი აღდგენილია, თუმცა ანტიტერორისტული ოპერაცია გრძელდება - ყაზახეთის პრეზიდენტი

ქვეყნის ყველა რაიონში კონსტიტუციური წესრიგი აღდგენილია, თუმცა ანტიტერორისტული ოპერაცია გრძელდება, - ამის შესახებ ყაზახეთის პრეზიდენტი აცხადებს.

„ადგილობრივი ხელისუფლება აკონტროლებს სიტუაციას, თუმცა ტერორისტები კვლავ იყენებენ იარაღს და აზიანებენ სახელმწიფო ქონებას.

ამიტომ კონტრტერორისტული ოპერაცია უნდა გაგრძელდეს მებრძოლების სრულ ლიკვიდაციამდე“, – ნათქვამია ქვეყნის პრეზიდენტის ოფიციალურ ვებგვერდზე გამოქვეყნებულ განცხადებაში.

მედიის ცნობით, ღამის განმავლობაში ყაზახეთის ქალაქ ალმათიში კვლავ ისმოდა სროლის ხმა.

ყაზახეთის შინაგან საქმეთა სამინისტრომ გაავრცელა ცნობა, რომ ანტიტერორისტული ოპერაციის შედეგად მოკლულია 26 ადამიანი, დაშავდა 18, დაკავებულია 3 000 მეტი მოქალაქე.

აშშ-ის სახელმწიფო დეპარტამენტში აცხადებენ, რომ ყურადღებით დააკვირდებიან ყაზახეთში ადამიანის უფლებების ნებისმიერ დარღვევას ან ყაზახეთის ინსტიტუტებზე თავდასხმებს.

„ჩვენ იმედი გვაქვს, რომ ყაზახეთი მალე გადაწყვეტს პრობლემებს, რომელიც ფუნდამენტურ ეკონომიკურ და პოლიტიკურ ხასიათს ატარებს.

როგორც ყაზახეთის მთავრობისა და ხალხის პარტნიორი, აშშ კვლავ მზადაა, ყაზახ ხალხთან და ქვეყნის ხელისუფლებასთან თანამშრომლობა განაგრძოს“, – განაცხადა აშშ-ის სახელმწიფო დეპარტამენტის პრესსპიკერმა.

ასევე საინტერესოა:

🔵 საქართველოში კორონავირუსით ინფიცირების 4 234 ახალი შემთხვევა გამოვლინდა, გამოჯანმრთელდა 1 727 პაციენტი

🔵 „ასე გავხდი მუნჯი, უსიტყვო, უენო, სრულიად ნული... ოთხი წლის ბავშვით ხელში... უპუროდ და შიშით სავსე ჩემოდნებით“ - ემიგრანტი ჟურნალისტის ისტორია

🔵 „შენს მერვე დაბადების დღეს ვეღარ მოესწარი დედი ...“ - 7 წლის ბარბარე მძიმე სენთან ბრძოლაში დამარცხდა