სენატორი ლინდსი გრეჰემი ევროპას: „გაჩუმდით“ და გაყიდეთ გრენლანდია

რესპუბლიკელმა სენატორმა ლინდსი გრეჰემმა განაცხადა, რომ გეგმავს, ევროპელ ლიდერებს მოუწოდოს, გრენლანდია აშშ-ს მიჰყიდონ, რადგან პრეზიდენტ დონალდ ტრამპის დავოსში გამოსვლამ იგი დაარწმუნა, რომ აშშ-ს ეს ტერიტორია ეროვნული უსაფრთხოებისთვის სჭირდება.

„ჩვენ არ ვაპირებთ გრენლანდიის ძალით აღებას, მაგრამ გრენლანდია ძალიან საფუძვლიანი მიზეზების გამო გვჭირდება. მან დამარწმუნა, რომ თუ მიწის ეს ნაკვეთი ჩვენი საკუთრება იქნება, მისი გამაგრება სხვაგვარად შეგვიძლია“, - განუცხადა გრეჰემმა ჟურნალისტებს ტრამპის მიმართვის შემდეგ.

ამერიკელმა სენატორმა დასძინა, რომ ახლა ის ევროპელ ოფიციალურ პირებს ურჩევს, დაიწყონ მოლაპარაკებები ტერიტორიის საკუთრებაზე, „თუ ნახევარი ტვინი“ აქვთ და აღნიშნა, რომ ეს საბოლოოდ ნატოს გააძლიერებს.

გრეჰემმა განაცხადა, რომ ამის შესახებ ესაუბრა ფინეთის პრეზიდენტ ალექსანდრ სტუბს, რომელიც, მისი თქმით, გრენლანდიასთან დაკავშირებით ტრამპის განცხადებების გამო შეშფოთებულია. რესპუბლიკელმა სენატორმა აღნიშნა, რომ ფინეთის ლიდერს მოუწოდა, არ შეეწინააღმდეგოს ტრამპის მცდელობას გრენლანდიის მისაკუთრების შესახებ.

„დავიღალე ევროპის ლაპარაკით: „ოჰ, უთხარით მას...“, არა, თქვენ გაჩუმდით. მე არ ვაპირებ მისთვის ამის თქმას, თქვენ წადით და უთხარით“, - განაცხადა გრეჰემმა.