ბათუმის ბიუჯეტს ვერ ამტკიცებენ - ფიზიკური და სიტყვიერი დაპირისპირება (ვიდეო)

ხმაური, ფიზიკური და სიტყვიერი დაპირისპირებაა აჭარის უმაღლეს საბჭოში, სადაც ბათუმის საკრებულოს სხდომის ჩატარება იგეგმებოდა. 

ბათუმის საკრებულოს  სხდომათა დარბაზში, საკრებულოს მოქმედმა წევრმა მირდატ ქამადაძემ სპეციალური ხსნარი გაუშვა, რის გამოც სხდომა დროებით ჩაიშალა.

„ნაციონალური მოძრაობის“ წევრის განმარტებით, აღნიშნული ხსნარი ჯანმრთელობისთვის საშიში არ არის, თუმცა მისი სუნის გამო, დეპუტატებს დარბაზის დატოვება მოუწევთ.

„ეს საკრებულოს სხდომა დღეს უნდა ჩაიშალოს. ბიუჯეტი არ უნდა მიიღონ ვადაგასულმა ადამიანებმა. არ მინდოდა ძიძგილაობა და ჩხუბი. მივიღე ასეთი უწყინარი გადაწყვეტილება. ბოლო წუთამდე, სანამ გაძლება შესაძლებელი იქნებოდა, ვაპირებდი იქ ყოფნას, რომ ვინმემ არ იფიქროს, რომ ეს ნივთიერება არის საფრთხის შემცვლელი. ამ ნივთიერებას აქვს სუნი, რომელიც არის რთულად გასაძლები“, - აღნიშნა მირდატ ქამადაძემ.

„ქართულ ოცნებაში“ განაცხადეს, რომ ეს არის ანტისახელმწიფოებრივი ქმედება და ოპოზიცია პროვოკაციას აწყობს.

აჭარის უმაღლესი საბჭოს შენობის ირგვლივ ოპოზიციური პარტიების წარმომადგენლები არიან შეკრებილი. ისინი სხდომას შეძახილებით: „მონებო“ და „ვერ ჩაატარებთ“ სკანდირებენ.

საკრებულოს შენობაში ჰქონდა სიტყვიერ და ფიზიკურ დაპირისპირებას ადგილზე.

როგორც, შენობაში, ისე შენობის გარეთ  ათობით პოლიციელია მობილიზებული.

ამავე თემაზე:

🔵 ბათუმის მერი არჩილ ჩიქოვანი და „ერთიანი ნაციონალური მოძრაობის“ წევრები სიტყვიერად დაუპირისპირდნენ (ვიდეო)

🔵 ბათუმის საკრებულო დღეს 2022 წლის ბიუჯეტის დამტკიცებას აპირებს - ოპოზიცია კი "ოცნებას" მოუწოდებს, შეაჩეროს ბიუჯეტის განხილვა