ფონიჭალაში სამძებრო-სამაშველო ოპერაცია დასრულდა

ფონიჭალაში ნანგრევებიდან მეექვსე ადამიანის ცხედარი ამოასვენეს. სამძებრო-სამაშველო ოპერაცია დასრულდა.

მანამდე კი საგანგებო სიტუაციების მართვის სამსახურის წარმომადგენლებმა ნანგრევებიდან 3 წლის თაია უვნებლად ამოიყვანეს - სასწრაფო დახმარების ბრიგადამ გოგონა ინგოროყვას კლინიკაში გადაიყვანა. ბავშვი კონტაქტურია, ჩაუტარდა კვლევები და სერიოზული დაზიანებები არ აღენიშნება.

ქვემო ფონიჭალაში, რუსთავის გზატკეცილის 16 ნომერში მდებარე ე.წ. „უსინათლოთა დასახლების“ 5-სართულიან კორპუსში აფეთქება დილის 9 საათზე მოხდა. ერთ-ერთი სადარბაზოს მე-5 სართულზე გაზის გამათბობლის მწყობრიდან გამოსვლას ნგრევა მოჰყვა. ჩამოინგრა შენობის მზიდი კონსტრუქცია, სრულად განადგურდა სადარბაზოს ცენტრალური ნაწილი, კიბის უჯრედები, სართულებს შორის გადახურვები და ფასადის ნაწილი.

მრავალბინიან კორპუსში მეხანძრე-მაშველები მყისიერად მივიდნენ და მცხოვრებლების ევაკუაცია დაიწყო. სადარბაზოს მთელ ვერტიკალზე საყრდენი კედელი დაზიანდა, რის გამოც სამაშველო სამუშაოების ჩატარება გართულდა. მიუხედავად ამისა, ადგილზე სხვადასხვა სამსახურიდან 200-ზე მეტი ადამიანი იყო მობილიზებული — მაშველები, კინოლოგები, პოლიცია, სასწრაფო დახმარების ბრიგადები და მერიის სამსახურები.

გავრცელებული ინფორმაციით, ბინაში შშმ პირი ცხოვრობდა, რომელმაც კლინიკაში გადაყვანამდე თქვა, რომ ღამით გამათბობლის ანთებას ცდილობდა, რაც ვერ მოახერხა, გაზის ონკანი კი გახსნილი დარჩა. დილით გამათბობლის ჩართვის მეორე მცდელობა ტრაგიკული შემთხვევით დასრულდა.

აფეთქებიდან მალევე ფონიჭალაში შინაგან საქმეთა მინისტრი მივიდა. სულხან თამაზაშვილი ადგილზე მიმდინარე ძებნა-შველის ოპერაციას პირადად ხელმძღვანელობდა. სამაშველო ღონისძიებების პარალელურად, რუსთავის გზატკეცილის 16 ნომერში გამომძიებლებიც მუშაობდნენ - აფეთქების ფაქტზე პროკურატურამ გამოძიება უკვე დაიწყო.

ფონიჭალაში მივიდნენ „თბილისი ენერჯის“ წარმომადგენლებიც. მათი განმარტებით, ბოლო ორი წლის განმავლობაში აღნიშნული მისამართიდან გაზის სუნთან დაკავშირებით არცერთი განაცხადი არ დაფიქსირებულა.

აფეთქების შედეგად დაშავებული ხუთი პირი კლინიკებშია მოთავსებული. კრიტიკულია 31 წლის მამაკაცის მდგომარეობა, რომლის ბინაშიც გაზი აფეთქდა - ის დამწვრობის ცენტრშია გადაყვანილი, სხეულის 87-პროცენტიანი დამწვრობა აქვს მიღებული და დაზიანებული აქვს სასუნთქი გზები. კლინიკებში ასევე მოთავსებულნი არიან 38 წლის ქალი და მისი 11 წლის შვილი.

კორპუსში, სადაც ტრაგიკული მოვლენები განვითარდა, სულ 90 ოჯახი ცხოვრობს. დედაქალაქის მერიამ დილიდანვე გამოთქვა მზაობა მათი დროებით საცხოვრებელში გადაყვანის შესახებ. სამხარაულის ეროვნული ბიუროს პირველადი შეფასებით, კორპუსის 6 სადარბაზოდან ორი პრობლემურია, სასტუმროში კი 28 ოჯახის გადაყვანა გახდა საჭირო. ტერიტორია ყვითელი ლენტით არის შემოსაზღვრული.

მასალის გამოყენების პირობები


მთავარი სიახლეები




სხვა სიახლეები

1795114228

ახალი ამბები

ჯანდაცვის მინისტრი: განსაკუთრებით მძიმეა იმ ადამიანის ჯანმრთელობის მდგომარეობა, რომლის ბინაშიც აფეთქება მოხდა

ჯანდაცვის მინისტრის მიხეილ სარჯველაძის განცხადებით, მძიმეა იმ ადამიანის მდგომარეობა, რომლის ბინაშიც აფეთქება მოხდა. „მისი მდგომარეობა მძიმეა. ძალიან მძიმე დაზიანება აქვს მიღებული სხეულზე. არ მინდა წინ...

მიხეილ სარჯველაძე

1795113009

ახალი ამბები

ირაკლი ქადაგიშვილი: მიხეილ სააკაშვილმა დაადასტურა ის, რასაც ჩვენ უკვე წლებია ვამბობთ, რომ ეს არის „ერთიანი ნაციონალური მოძრაობა“ და ისინი სხვადასხვა ტაქტიკით, მაგრამ ერთ სტრატეგიულ ამოცანას, მიზანს და გზას მიუყვებიან

მიხეილ სააკაშვილმა დაადასტურა ის, რასაც ჩვენ უკვე წლებია ვამბობთ, რომ ეს არის „ერთიანი ნაციონალური მოძრაობა“ და ისინი სხვადასხვა ტაქტიკით, მაგრამ ერთ სტრატეგიულ ამოცანას, მიზანს და გზას მიუყვებიან, -...

პოლიტიკოსი

1795112810

ახალი ამბები

მიხეილ სარჯველაძე: ბავშვების მდგომარეობა აბსოლუტურად ნორმალურია, ექიმების მეთვალყურეობის ქვეშ არიან, ყველა საჭიროება, რომელიც შეიძლება წარმოექმნათ, უკლებლივ იქნება უზრუნველყოფილი

საქართველოს ჯანდაცვის მინისტრი მიხეილ სარჯველაძე ინგოროყვას კლინიკაში მივიდა, სადაც ფონიჭალაში აფეთქების შედეგად დაზარალებულები იმყოფებიან. როგორც ჯანდაცვის მინისტრი აცხადებს, კლინიკაში მყოფი ბავშვები...

მიხეილ სარჯველაძე

1795110436

ახალი ამბები

ფონიჭალაში მაშველებმა ნანგრევებიდან კიდევ ერთი - მეხუთე ადამიანის ცხედარი ამოასვენეს

ფონიჭალაში, სადაც, სავარაუდოდ, ბუნებრივი აირის დაგროვების შედეგად საცხოვრებელ კორპუსში აფეთქება მოხდა, მაშველებმა ნანგრევებიდან კიდევ ერთი პირის ცხედარი ამოიყვანეს. ამ ეტაპისთვის მაშველებმა ჯამში 5 ად...

მეხუტე ადამიანი ფონიჭალა

1795109512

ახალი ამბები

თენგიზ შარმანაშვილი: ოპოზიცია, როდესაც ხელისუფლება და ძალაუფლება ჰქონდა, „იმედში“ შეიჭრა და „რუსთავი 2“ კანონიერ მფლობელს წაართვა, ახლა კი ბედნიერები არიან, როცა ტელევიზიებს ფუნქციის განხორციელებაში ხელს უშლიან, ეს ხალხი ისევ საშიშია

საპარლამენტო უმრავლესობის წევრმა, თენგიზ შარმანაშვილმა განაცხადა, რომ ძალაუფლებაში ყოფნის დროს „იმედში“ შეჭრისა და „რუსთავი 2“-ის წართმევის შემდეგ, „ნაციონალური მოძრაობის“ წარმომადგენლები ახლაც ბედნიე...

თენგიზ შარმანაშვილი