ირაკლი კირცხალია: ევროკავშირში ფეხქვეშ გათელეს ყველა ის ფასეულობა, რომელზეც იდგნენ

„ყველაზე მთავარი და საუბედურო, რა არის იცით, მართლა ფეხქვეშ გათელეს ყველა ის ფასეულობა, რა ფასეულობებზეც იდგნენ. ბრიუსელში, თავიანთივე ქვეყნებში ხედავენ უკვე, პირდაპირი მნიშვნელობით, საბჭოთა მმართველობას საუკეთესო ფორმებით“, - ამის შესახებ საპარლამენტო უმრავლესობის ლიდერმა, პარლამენტის ფრაქცია „ქართული ოცნების“ თავმჯდომარემ ირაკლი კირცხალიამ „ღამის კურიერის“ ეთერში სტუმრობისას ევროკავშირზე საუბრისას განაცხადა.

როგორც კირცხალიამ აღნიშნა, ევროკავშირის მხრიდან, „თეთრზე შავის ძახილი“, მმართველი გუნდისთვის არაფერს ნიშნავს. მისივე განცხადებით, ხელისუფლება მზადაა, ღირსეული პარტნიორობისა და ურთიერთობისთვის.

„მათი მხრიდან ახლა ასეთი უტიფარი და თეთრზე შავის ძახილი არაფერს ნიშნავს ჩვენთვის. ისევ თავიანთ რეიტინგს არღვევენ, ისევ თავიანთ ეკონომიკას ანგრევენ, ისევ თავიანთ რეპუტაციას ანგრევენ და ისევ იმ ღირებულებებს ანგრევენ, რა ღირებულებებზეც იდგნენ და რა ღირებულებებზეც უნდათ, რომ მათთან ერთად ყოფილიყო სხვადასხვა ქვეყანა. ჩვენ ყოველთვის ვამბობთ და ვაფიქსირებთ ღიად ყველგან - საერთაშორისო ტრიბუნაზე, შიგნით, ყველა შეხვედრაზე, რომ ჩვენ მზად ვართ პარტნიორობისთვის და ურთიერთობისთვის, ოღონდ ღირსეულად“, - განაცხადა ირაკლი კირცხალიამ.