კახა კალაძე: გავაკეთე ჩემი არჩევანი, ერთადერთი ძალა, რომელსაც დღეს რეალურად შეუძლია ქვეყანაში მშვიდობა შეინარჩუნოს და ქალაქის განვითარება გააგრძელოს, ეს არის „ქართული ოცნება“

 თბილისის მოქმედმა მერმა და მერობის კანდიდატმა „ქართული ოცნებიდან“ კახა კალაძემ ადგილობრივი თვითმმართველობის არჩევნებში საკუთარი ხმა დააფიქსირა.

როგორც კახა კალაძემ აღნიშნა, მომდევნო 4 წელი იქნება საინტერესო და მნიშვნელოვანი წელი ჩვენი დედაქალაქისთვის

„მე გავაკეთე ჩემი არჩევანი, პირველი, რა თქმა უნდა, მშვიდობა საქართველოს და მეტი სიკეთე თბილისს. ერთადერთი ძალა, რომელსაც დღეს რეალურად შეუძლია ქვეყანაში მშვიდობა შეინარჩუნოს, ეს არის „ქართული ოცნება - დემოკრატიული საქართველო“. ერთადერთი ძალა, რომელსაც რეალურად შეუძლია ქალაქის განვითარება გააგრძელოს, ეს არის „ქართული ოცნება - დემოკრატიული საქართველო“. ჩვენ ბოლო წლების განმავლობაში ბევრი სასიკეთო, მნიშვნელოვანი პროექტი განვახორციელეთ ჩვენი დედაქალაქისთვის აბსოლუტურად ყველა მიმართულებით, თუმცა რჩება გამოწვევები, რჩება პრობლემები. ჩვენ მზად ვართ, საზოგადოებას საარჩევნო კამპანიის ფარგლებში წარვუდგინოთ კონკრეტული ხედვები, თუ რა პროექტები იქნება განხორციელებული, რა გაკეთდება, თუნდაც ინფრასტრუქტურის მიმართულებით, ეკოლოგიური თვალსაზრისით, ეკოპოლიტიკის მიმართულებით, იგივე ჯანდაცვა, სოციალური პროგრამები, ახალი პროექტები, რომლებიც დედაქალაქში იქნება ტრამვაის სახით, მეტროს სახით, ატრაქციონების პარკი და ა.შ. ძალიან ბევრი გვაქვს სალაპარაკო, ძალიან ბევრ პროექტზე მივაწოდეთ საზოგადოებას ინფორმაცია და რა თქმა უნდა, მომდევნო 4 წელი იქნება საინტერესო და მნიშვნელოვანი წელი ჩვენი დედაქალაქისთვის“, - განაცხადა კახა კალაძემ.