„რასაც წამალი ვერ უშველის, უშველის დანა, რასაც დანა ვერ უშველის, უშველის ცეცხლი!“ - მურმან დუმბაძე

„ემსახურე საქართველოს“ ლიდერი მურმან დუმბაძე ბათუმისა და ზუგდიდის საკრებულოებში 2022 წლის ბიუჯეტის დამტკიცებას ეხმაურება და წერს: 

„ბათუმი, ზუგდიდი …
ამ კაცმა ფული იშოვა აფერისტობით, მაგრამ სახელმწიფო აფერისტობით ვერ იმართა!
ესაა რეალობა.
გამოსავალი გამოცდილებაშია: რასაც წამალი ვერ უშველის, უშველის დანა, რასაც დანა ვერ უშველის, უშველის ცეცხლი!“ - წერს ოპოზიციონერი დუმბაძე.

"თავი დაანებონ საბოტაჟს და დაუბრუნდნენ ნორმალურ პოლიტიკურ საქმიანობას. თუ ამის რესურსი არ დარჩათ, მათ მოუწევთ კანონთან წინააღმდეგობაში შესვლა და ასევე, პასუხისგება,"- განაცხადა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველმა მოადგილემ ალუდა ღუდუშაურმა. 

ბათუმის და ზუგდიდი წინა მოწვევის საკრებულოს „ქართული ოცნების“ წევრებმა, 2022  წლის ბიუჯეტი, დაკავებების, ფიზიკური და სიტყვიერი დაპირისპირების პარალელურად დაამტკიცა.

სხდომათა დარბაზში სიტუაცია რამდენჯერმე დაიძაბა. მირდატ ქამადაძემ დარბაზში სპეციალური სითხე გაუშვა, რომელსაც ფეკალიების სუნი ჰქონდა.

სხდომა დროებით შეწყდა, თუმცა მას შემდეგ რაც ოპოზიციონერ წევრებს შენობა ძალის გამოყენებით დაატოვებინეს, სხდომა მაინც განახლდა.

ამავე თემაზე:

🔵 ბათუმის ბიუჯეტს ვერ ამტკიცებენ - ფიზიკური და სიტყვიერი დაპირისპირება (ვიდეო)

🔵 ზუგდიდის საკრებულოსთან, სადაც 2022 წლის ბიუჯეტი უნდა დაამტკიცონ ხმაურია