„გული ამომაგლიჯე და თან წაიღე,  ჩემი სამარადისო ტკივილი ხარ ძმაო“ - პოლონეთში ქართველი ემიგრანტი დაიღუპა

პოლონეთში ქართველი ემიგრანტი გარდაიცვალა. 25 წლის აბელ შამათავა ზუგდიდის მუნიციპალიტეტის სოფელ დარჩელიდან იყო. 

ახალგაზრდა ემიგრანტი, მეუღლემ საწოლში გარდაცვლილი იპოვა. გავრცელებული ინფორმაციით, 25 წლის კაცს პოსტკოვიდური გართულება ჰქონდა და  გარდაცვალების სავარაუდო მიზეზად გული სახელდება.

„ღმერთოო ეს რა დაგვმართე  რატომ გამითენე დღევანდელი დღე  ჩემი უბოროტო და უკეთილშობილესი ძმა აღარ მყავსს,  როგორ ვილაპარაკო ძამიკო შენზე წარსულში  ვერ ვიაზრებ იმას და ვერც ვიჯერებ რომ ჩვენთან აღარ ხარ. 

მიჭირს უშენობა  როგორ გავაგრძელოთ შენს გარეშე ცხოვრება.  მახსოვს პატარები როცა ვიყავით თუ რამე გქონდა მიყოფდი თუნდაც 1 ლუკმა ყოფილიყო უჩემოდ არაფერს ჭამდი და ვჭამდი.

არ მინდა ამ რეალობაში ცხოვრება  გული ამომაგლიჯე და თან წაიღე,  ჩემი სამარადისო ტკივილი ხარ ძმაო.

როგორ ვანუგეშოთ დედიკო.  ჯერ ყველაფერი წინ გქონდა,  ჩემი ცხოვრებაა, ძამიკო მიყვარხარ და მეყვარები მუდამ ჩემს გულში იქნები და ვერაფერი გააქარწყლებს ამ მოუშუშებელ ტკივილს.  მომავალ შეხვედრამდე ჩემო პატარა ძამიკო.

ღმერთმა დაგიმკვიდროს ცათა სასუფეველი“,- წერს გარდაცვლილი ემიგრანტის და სოციალურ ქსელში. 

როგორც ჟურნალისტებთან მეზობლები ამბობენ, ცოლ-ქმარი საქართველოში ჩამოსვლას გეგმავდა. ჯერჯერობით უცნობია,  როდის მოხდება ცხედრის გადმოსვენება საქართველოში. 

ასევე საინტერესოა:

🔵 „ომში მყოფი ჯარისკაცი და პოლონეთის საზღვარზე მყოფი შეყვარებული გოგო, რომ ახერხებენ დაქორწინებას, რეფორმის დამსახურებაა და ეს რეფორმა ქართველების დამსახურებაა“

🔵 საბერძნეთი რუსეთმა მტრულად განწყობილ ქვეყანათა სიაში შეიყვანა

🔵 ჩვენ ვერ ვისწავლეთ რუსული აგრესიის გაკვეთილები, დიდი ხანია, მეორე ლოყა მივუშვირეთ, ვერავინ იტყვის, რომ არ გაგვაფრთხილეს - ბორის ჯონსონი