საბერძნეთი რუსეთმა მტრულად განწყობილ ქვეყანათა სიაში შეიყვანა

მას შემდეგ რაც, საბერძნეთის ხელისუფლებამ ნათლად დააფიქსირა საკუთარი პოზიცია უკრაინაში რუსეთის შეჭრაზე და დაგმო რუსეთის არმიის თავდასხმა უკრაინის მშვიდობიან მოქალაქეებზე, რუსეთისა და საბერძნეთის ურთიერთობა უკიდურესად დაიძაბა. 

რუსეთის ხელისუფლებამ, რომელიც ბერძენ პოლიტიკოსებს, ანტირუსულ პროპაგანდაში ადანაშაულებს, 7 მარტს საბერძნეთი რუსეთისადმი მტრულად განწყობილ ქვეყანათა სიაში შეიყვანა.

ამ სიაში შესულია ასევე ევროკავშირის  წევრი ყველა ქვეყანა, საბერძნეთთან, აშშ-სთან და კანადასთან ერთად ასევე არიან უკრაინა, დიდი ბრიტანეთი, მონტენეგრო და შვეიცარია, ანდორა და ალბანეთი, ისლანდია და ლიხტენშტაინი, მონაკო და სან-მარინო, ნორვეგია და ჩრდილოეთ მაკედონია, სამხრეთ კორეა და იაპონია, ავსტრალია და მიკრონეზია, სინგაპური და ახალი ზელანდია, ტაივანი და შვეიცარია. 

რუსეთის საგარეო საქმეთა სამინისტროს ოფიციალური წარმომადგენელი მარია ზახაროვა ფეისბუკზე საბერძნეთში დაწყებულ ანტირუსულ კამპანიაზე საუბრობს და სხვა საკითხებთან ერთად აღნიშნავს, რომ ათენის მაღალი თანამდებობის პირები თავს უფლებას აძლევენ, მკაცრი ბრალდებები წაუყენონ რუსეთს  და მის ხელმძღვანელობას.

ზახაროვა ასევე ხაზს უსვამს, რომ მოსკოვის დიდი უკმაყოფილება გამოიწვია იმ ფაქტმაც, რომ საბერძნეთმა უკრაინას საბრძოლო იარაღი გაუგზავნა. ზახაროვა ცდილობს დაამტკიცოს, თითქოს ეს იარაღი უკრაინული ნაციონალისტური ბატალიონის მიერ მშვიდობიანი მოქალაქეებისადმი იქნება გამოყენებული, რომელთაც ისინი ცოცხალ ფარად იყენებენ. 

ასევე საინტერესოა

🔵სლოვაკეთის საზღვართან მარტო მისული, ატირებული 11 წლის უკრაინელი ბიჭის დედა ცოცხალია

🔵ჩვენ ვერ ვისწავლეთ რუსული აგრესიის გაკვეთილები, დიდი ხანია, მეორე ლოყა მივუშვირეთ, ვერავინ იტყვის, რომ არ გაგვაფრთხილეს - ბორის ჯონსონი

🔵რუსმა ოკუპანტებმა, კიევთან მდებარე 1873 წელს აგებული წმინდა გიორგის სახელობის ტაძარი დაბომბეს