16 წლის ბიჭმა ნადირობის დროს, შემთხვევით 33 წლის ბიძა მოკლა - ტრაგედია საბერძნეთში

სტაბილურად მძიმე, ასე აფასებენ ექიმები 16 წლის მოზარდს ჯანმრთელობის მდგომარეობას, რომელმაც სიცოცხლის თვითმკვლელობით დასრულება მას შემდეგ სცადა, რაც ნადირობის დროს შემთხვევით საკუთარი 33 წლის ბიძა მოკლა. 

ინფარქტი მოუვიდა და საავადმყოფოს რეანიმაციულ განყოფილებაში იმყოფება 16 წლის ბიჭის მამაც.

საავადმყოფოშია გადაყვანილი მოზარდის დედაც, რომელიც ორსულად არის და ექიმების დახმარებით ცდილობს გადალახოს ოჯახში დატრიალებული მძიმე ტრაგედიით, გამოწვეული სტრესი და შოკური მდგომარეობა.  

2 ნოემბერს საბერძნეთში, კერძოდ არტაში მომხდარმა ოჯახურმა დიდმა ტრაგედიამ მთელი ქვეყანა შეძრა. 

16 წლის მოზარდმა,  რომელიც ოჯახთან ერთად სანადიროდ იმყოფებოდა, შეცდომით საკუთარ ბიძას ესროლა რომელიც ადგილზე გარდაიცვალა.  მოზარდმა  მისი შეცდომით გამოწვეულ ტრაგედიის სიმძიმეს ვერ გაუძლო და იმავე ცეცხლსასროლი იარაღით საკუთარი სიცოცხლის თვითმკვლელობით დასრულება სცადა.  

გავრცელებული ინფორმაციით 16 წლის ბიჭმა თქვა “ბიძაჩემი მოვკალი” რის შემდეგაც ცეცხლსასროლი იარაღი საკუთარი მიმართულებით მიაბრუნა და გაისროლა.  

ადგილზე გამოძახებულმა სასწრაფო დახმარების გუნდმა ბავშვი საავადმყოფოში ცოცხალი გადაიყვანა, დღეისათვის მისი მდგომარეობა სტაბილურად მძიმეა.  

ოჯახის ტრაგედია მხოლოდ ამით არ დასრულებულა, 16 წლის მოზარდის მამამ, დღეს საკუთარი ძმის დაკრძალვის შემდეგ, რომელიც სიცოცხლეს მისმა ვაჟმა გამოასალმა  ინფარქტი განიცადა, რის შემდეგაც არტას საავადმყოფოს რეანიმაციულ განყოფილებაში იქნა გადაყვანილი.

ამავე საავადმყოფოს სხვა განყოფილებაშია მოთავსებული მოზარდის დედაც რომელიც მესამე შვილზე ორსულობის მერვე თვეში იმყოფება და დამოუკიდებლად უჭირს მომხდარ ტრაგედიასთან გამკლავება.  

ასევე დაგაინტერესებთ 

🔵 10 იანვრიდან საბერძნეთში დიდი ფასდაკლებები იწყება

🔵 საბერძნეთში 41 წლის ქართველი კაცი საკუთარი ცოლის და არასრულწლოვანი შვილის თვალწინ ცეცხლსასროლი იარაღით მოკლეს (ვიდეო)

🔵 4 ბავშვს "ასაფეთქებლების" გამო თითების ამპუტაცია დასჭირდა - ახალი წლის ღამეს, პიროტექნიკით მიღებული დაზიანებებით დამწვრობის ცენტრში 30 მცირეწლოვანი მიიყვანეს