სალონიკში დააკავეს 35 წლის ქართველი, პარტნიორის 14 წლის შვილზე სექსუალური ძალადობის ბრალდებით

14 წლის ბერძენი არასრულწლოვანი, დედამისის პარტნიორს, 35 წლის ქართველს, სექსუალურ ძალადობაში ადანაშაულებს.

მძიმე ამბავი, რომელზედაც ბერძნული მედია, წერს სალონიკში მოხდა.

თავის მხრივ, კაცი, გამოძიებისთვის მიცემულ ჩვენებაში ამტკიცებს, რომ მოზარდი ცრუობს და მსგავსი რამ არ მომხდარა. მოზარდის დედა და ძალადობაში ბრალდებული 35 წლის კაცი ამტკიცებს, რომ გოგონამ მათზე შური იძია, რადგან ისინი მისგან სწავლის გაუმჯობესებას მოითხოვდნენ და ხშირად ამის გამო კამათობდნენ.

მიუხედავად მსგავსი ჩვენებისა, მოსამართლემ ქართველი კაცის დაპატიმრების გადაწყვეტილება მიიღო.

წინასწარ პატიმრობაში მყოფი კაცი, მის მიმართ წარდგენილ ბრალდებას უარყოფს და გადაწყვეტილების გასაჩივრებას აპირებს.

დაკავებული ქართველი კაცის ადვოკატის განცხადებით, მოსამართლემ წინასწარი პატიმრობის შეფარდების გადაწყვეტილება მიიღო, გამომდინარე იქიდან, რომ მოზარდის ფსიქიატრიულ შეფასებას ელოდება პაპაგეორგიუს საავადმყოფოდან.

„ბრალდებული უარყოფდა და ახლაც უარყოფს, არასრულწლოვნის ბრალდებებს. ბავშვის დედაც მხარს უჭერს დაკავებულს და იმავეს ამბობს“,- აცხადებს, ადვოკატი.

საჩივრის მიხედვით, არასრულწლოვნის 30 წლის დედის პარტნიორმა 35 წლის კაცმა, ისარგებლა დედის სამსახურში ყოფნით და არაერთხელ ჩაიდინა სექსუალური ქმედებები არასრულწლოვნის მიმართ,  პირველად ექვსი წლის წინ, ბოლოს კი, ექვსი თვის წინ.

35 წლის ქართველი, გუშინ, შუადღისას, თესალონიკის უშიშროების დირექტორატის არასრულწლოვანთა დაცვის ქვედირექციის პოლიციის თანამშრომლებმა, შესაბამისი ორდერით, არასრულწლოვნის საჩივრის საფუძველზე დააკავეს.

ასევე დაგაინტერესებთ:

🔵"აღარ გვყავს ემიგრაციის დედოფალი... ჩაქრა კიდევ ერთი სიცოცხლე, ქალი ქველმოქმედი" - ამერიკაში ქართველი ემიგრანტი გარდაიცვალა

🔵სალომე ზურაბიშვილმა ანსამბლი „ბერმუხა“ ღირსების ორდენით დააჯილდოვა - "ევროპაში ჩვენი ადგილი გამაგრებული იქნება სწორედ იმით, რომ ევროპაში შევდივართ ჩვენი ტრადიციებითა და კულტურით"

🔵"ქართველი ქალები ყველანი ლამაზები არიან" - ინტერვიუ ქართული ფანოღის ვარსკვლავ ალესანდრო კარუზოსთან