27 ოქტომბერს "ქართული ოცნება" თავისუფლების მოედანზე აქციას გამართავს

27 ოქტომბერს 17:00 საათზე  "ქართული ოცნება" თავისუფლების მოედანზე აქციას გამართავს. აქციის მთავარი სლოგანი იქნება "გამარჯვება მივიყვანოთ ბოლომდე"

ამის შესახებ ბრიფინგზე, პარტია „ქართული ოცნების“ აღმასრულებელმა მდივანმა მამუკა მდინარაძემ განაცხადა.

"27 ოქტომბერს გასამართი აქციის მთავარი სლოგანი იქნება "გამარჯვება მივიყვანოთ ბოლომდე". არანაირ კონტრაქციას აქ ადგილი არ აქვს. ეს არის აქცია, რომელიც კიდევ ერთხელ დაადასტურებს, რომ საზოგადოების არჩევანი არის სიკეთე, მომავალი, მათ შორის ამ ქვეყნის ევროპული მომავალი და რომ ამ ქვეყანაში ვერასდროს გაიმარჯვებს ბოროტება, რევანში, წარსული, ტყუილი - შეუძლებელია ტყუილმა სიმართლეზე გაიმარჯვოს. სიმართლის, მომავლის, ხვალინდელი დღისა და ამ ქვეყნის ევროპული მომავლის გამარჯვება იქნება მთავარი მიზანი, რომ დაფიქსირდეს კიდევ ერთხელ თავისუფლების მოედანზე", - განაცხადა მამუკა მდინარაძემ.

30 ოქტომბერს საქართველოში თვითმმართველობის არჩევნების მეორე ტური მერის ასარჩევად 20 მუნიციპალიტეტში იმართება, მათგან ხუთივე თვითმმართველ ქალაქში.

თვითმმართველ ქალაქებში სახელისუფლებო კანდიდატებს ყოფილი ხელისუფლების დაყენებული კანდიდატები უპირისპირდებიან.

ასევე დაგაინტერესებთ:

🔵 ბექა ვაჭარაძემ ნიკა გვარამიასა და "მთავარ არხის" წინააღმდეგ სასამართლოში სარჩელი შეიტანა

🔵 "სააკაშვილის დაპატიმრებას საქართველოში არაადეკვატური რეაგირება მოჰყვა ერთი მხრივ, მედიასაშუალებებში, მეორე მხრივ, უფლებადამცველების მხრიდან" - ნანა კაკაბაძე

🔵 დინა მირცხულავა: „ბოდიში მოგვიხადეს და თქვეს, რომ ქალი უბრალოდ ნაცისტია“

🔵 "დაღლილ გადაქანცული მივაცილე სასტუმრომდე, ჩემი ყურით გავიგე კიბეებზე ასული, როგორ სლუკუნებდა - ჩემი ძალად პოპულარული კარგის ტ@@@ი მო@@@ნო" - რა ისტორიას იხსენებს დინა მირცხულავა