„დადასტურებულად ვიცით, რომ „ქართული ოცნების“ ხელისუფლებამ ნახევარი მილიარდით აზარალა ეს ქვეყანა, მაგრამ მიშას მაინც 9 მილიონს ედავებიან“ - ნანუკა ჟორჟოლიანი

„მიშას ეუბნებიან, რომ 9 წლის მანძილზე 9 მილიონი ლარით აზარალა ბიუჯეტი, მაშინ როცა გუშინ ვიგებთ, რომ მხოლოდ ენერგეტიკის სამინისტრომ, კახი კალაძის მინისტრობის დროს, ქვეყანა აზარალა 80 მილიონი დოლარით, რაც 240 მილიონი ლარია, რომელიც რუსებს უნდა გადავუხადოთ“, – წერს ჟურნალისტი ნანუკა ჟორჟოლიანი სოციალურ ქსელში.

როგორც ჟორჟოლიანი წერს, „დადასტურებულად ვიცით, რომ „ქართული ოცნების“ ხელისუფლებამ ნახევარი მილიარდით აზარალა ეს ქვეყანა, მაგრამ მიშას მაინც 9 მილიონს ედავებიან“.

„მეგობრებო, რა უნდა ვიცოდეთ.

მიხეილ სააკაშვილს ხელისუფლება 9 მილიონი ლარის არამიზნობრივ ხარჯვაში ედავება. ამაში შედის ლეხ კაჩინსკის თაიგულიც და იუშენკოსთვის მირთმეული ჩაიც, ლეღვის მურაბით.

ანუ, მიშას ეუბნებიან რომ 9 წლის მანძილზე 9 მილიონი ლარით აზარალა ბიუჯეტი, მაშინ როცა გუშინ ვიგებთ რომ მხოლოდ ენერგეტიკის სამინისტრომ, კახი კალაძის მინისტრობის დროს, ქვეყანა აზარალა 80 მილიონი დოლარით, რაც 240 მილიონი ლარია, რომელიც რუსებს უნდა გადავუხადოთ.

უფრო მეტიც, ვიგებთ, რომ სხვადასხვა პროცესებში, რომელთა ძირითადი ნაწილიც წააგო ხელისუფლებამ ადვოკატების მომსახურეობა იგივე, 80 მილიონი დოლარი დაუჯდა ქვეყანას.

ანუ, რაც დადასტურებულად ვიცით ამ ხელისუფლებამ ნახევარი მილიარდით აზარალა ეს ქვეყანა, მაგრამ მიშას მაინც 9 მილიონს ედავებიან.

ამიტომაც ვამბობთ, რომ სამართალთან კავშირი არ აქვს ამ პროცესებს.

#თავისუფლებამიშას“, - წერს ნანუკა ჟორჟოლიანი.

შეგახსენებთ, თანხების გაფლანგვის საქმეზე, რომელზეც საქართველოს ყოფილი პრეზიდენტი მიხეილ სააკაშვილია ბრალდებული, სხდომა თბილისის საქალაქო სასამართლოში რამდენიმე წუთში უნდა დაიწყოს.  

ასევე საინტერესოა:

🔵 დეპუტატი წილოსანი: ე.წ. პიჯაკების საქმეს შეიძლება, უფრო მეტად ვუწოდოთ ბოტოქსების საქმე, უცნაური მეთოდებით დახატული ნახატების საქმე, სტილისტის საქმე

🔵 თანხების გაფლანგვის საქმე - მიხეილ სააკაშვილი სასამართლოში გადაჰყავთ