დეპუტატი წილოსანი: ე.წ. პიჯაკების საქმეს შეიძლება, უფრო მეტად ვუწოდოთ ბოტოქსების საქმე, უცნაური მეთოდებით დახატული ნახატების საქმე, სტილისტის საქმე

„ამ საქმეს უნდა ვუწოდოთ ბოტოქსების საქმე და არა ე.წ. პიჯაკების საქმე“, - ასე ფიქრობს „ქართული ოცნების“ წევრი, დეპუტატი ნინი წილოსანი.

„აუცილებლად უნდა ვახსენო, რომ მათი პიარული მსვლელობა იყო, რომ ამ საქმისთვის ეწოდებინათ პიჯაკების საქმე, რომელიც არის საკმაოდ ელიტური კორუფციის საქმე და შეიძლება, უფრო მეტად ვუწოდოთ ბოტოქსების საქმე, რადგან 500 000-მდეა დახარჯული კოსმეტიკური პროცედურებისთვის, შეიძლება ვუწოდოთ გასახდომი პროცედურების საქმე, უცნაური მეთოდებით დახატული ნახატების საქმე, სტილისტის საქმე, რადგან სამჯერ უფრო მეტი თანხაა დახარჯული სტილისტის მომსახურებაში, ვიდრე პიჯაკებში და პიარულად, ალბათ, ძალიან მომგებიანია, რომ ადამიანებს აუჩუყონ ამით გული“, - აცხადებს წილოსანი.

ე.წ. პიჯაკების საქმეზე  საქართველოს მესამე პრეზიდენტი მიხეილ სააკაშვილია ბრალდებული.

სხდომა თბილისის საქალაქო სასამართლოში რამდენიმე წუთში დაიწყება. 

როგორც სააკაშვილის ადვოკატმა აღნიშნა, სააკაშვილი დღევანდელ პროცესზე წარმოთქვამს სიტყვას, რომლითაც ფარდა აეხდება პოლიტიკურ ბრალდებებს.

„ეს სიტყვა იქნება ნიღბის ჩამომგლეჯი ბრალდების მხარისთვის“,- აცხადებს შოთა თუთბერიძე.

ასევე საინტერესოა:

🔵 "ის მაინც საქართველოს ყოფილი პრეზიდენტია" - გიორგი კვირიკაშვილი მიხეილ სააკაშვილზე

🔵 "ის, რომ დღეს შევძელი ორი საათი ფეხზე დგომა, ამ ადამიანების დამსახურებაა" - ვის უხდის მიხეილ სააკაშვილი საჯაროდ მადლობას