აგერ ახლა, ბაღდათმა ორი ახალგაზრდა დაასაფლავა - ქრისტეს ტირილი იყო ბაღდათში - ოთხი შვილის მამა და ორი შვილის ანგელოზივით გოგონა

„კოვიდთან ქართველების მიერ დამარცხებული საქართველო. მეცოდებაო, რომ ვთქვა, არ ვიქნები მთლად მართალი - უბრალოდ, მტკივა.“ - წერს იტალიაში მოღვაწე, პავიას უნივერსიტეტის მოლეკულური ბიოლოგიის ასოცირებული პროფესორი, სოლომონ ნერგაძე.

„მტკივა ის 60-80 ადამიანი, რომელსაც ყოველდღე ვკლავთ. ზვიად ტომარაძე კი იცინის, იცინის, კვდება სიცილით...
იმ 60-80 ადამიანს ვიღაც ორფეხა ცხოველმა - ნიკოლოზ გვარამიას და თინა თოფურიას მიმდევარმა - რომელმაც უარყო პირბადე და უარყო აცრა, მიუტანა და გადადო ვირუსი.
არა, ვირუსი გაცილებით მეტს გადადო, მაგრამ სხვებმა გაუძლეს, ხოლო ამათ, ვისაც სხვა თანამდევი დაავადებები ჰქონდათ ვერ გაუძლეს.
სოსო მანჯავიძეც იცინის, იცინის, კვდება სიცილით...

აგერ ახლა, ბაღდათმა ორი ახალგაზრდა დაასაფლავა - ქრისტეს ტირილი იყო ბაღდათში - ოთხი შვილის მამა და ორი შვილის ანგელოზივით გოგონა.
ვიღაც ორფეხა ცხოველმა, პირბადე და აცრა რომ უარყო, მიუტანა და გადადო ვირუსი...
ბექა ვარდოსანიძეც იცინის, იცინის, კვდება სიცილით...
დამარცხდა ქვეყანა ამ ხალხთან... შედეგი?! 60-80 დაღუპული დღეში.

ევროპაში ვერ შევალთ. ჰიდროსადგურები არაო, გზა არაო (გონებაჩლუნგები ამბობენ, გზას თუ გავაკეთებთ ადვილად შემოვლენო რუსული ტანკები), აცრა და პირბადე არაო...
წინ, ძვირფასებო, წინ, გამოქვაბულისკენ, ჭრაქისკენ, ჭრელ და შავტარიანი დანების და გულზე გადადნობილი ტყვიისკენ!...“ - წერს სოლომონ ნერგაძე.
 
 აგრეთვე დაგაინტერესებთ:

📌 „ემიგრანტი დედების და ბებიების მიერ გამომუშავებული ფულის დიდი ნაწილია ამ მილიარდ დოლარში“ - სოლომონ ნერგაძე

📌  “ღმერთო, რა გაგვაჩინე ეს უტვინო ერი?! მთელი ერის ჭკუა-გონება მხოლოდ ათიოდე პროცენტს და დანარჩენს ნული?!“ - სოლომონ ნერგაძე

📌 „რაც გინდათ იყვირეთ, ჩემო ბიძია, თუ გინდათ დამარტყით, ოღონდ ამოუშვით, ოღონდ გული ნუ გაგისკდებათ“ - სოლომონ ნერგაძე

📌 გაიცანით, იტალიაში მოღვაწე ქართველი მეცნიერი, სოლომონ ნერგაძე