"არ მინდა კიდევ ერთი ტრაგიკული ამბის მომსწრე გავხდე, თან როცა ვიცი, ეს ჩემი ქვეყნის სირცხვილი იქნება და არა სამართლიანობის აღდგენის აქტი! გადაიყვანეთ!!" - ნიკოლოზ რაჭველი

ევგენი მიქელაძის სახელობის ეროვნული სიმფონიური ორკესტრის ხელმძღვანელი, ნიკოლოზ რაჭველი სოციალურ ქსელში პატიმარ მიხეილ სააკაშვილის მაღალტექნოლოგიურ კლინიკაში გადაყვანის მოთხოვნით მიმართვას ავრცელებს.

"ყველაზე მეტად ვევედრები ღმერთს არ გამატარებინოს წუთისოფელი, რომ სიცოცხლის უკანასკნელ წუთამდე მტრობისგან, ზიზღისგან, სიძულვილისგან თუ შიშისგან ისე არ გავბოროტდე, რომ დავემსგავსო მათ ვისაც დღეს შეუძლიათ ადამიანურად მოქცევა და ამას არ აკეთებენ…

#გადაიყვანეთ!!!!!!!!!!!!!!!!!!!!!!!!!!!!!!!!!!!!!!!!", - წერს ნიკოლოზ რაჭველი ფეისბუკში.

რაჭველის ფეისბუკ პოსტს უამრავი გამოხმაურება მოჰყვა:

"გადაიყვანეთ ფსიქიატრიულში", - დაწერა ერთ-ერთმა ფეისბუკმომხმარებელმა კომენტარის სახით.

"რატომ გადაიყვანონ ნიკა? ვინმე აძალებს შიმშილს? არა! ე.ი. სააკაშვილის მხრიდან ადგილი აქვს შანტაჟს! შანტაჟისტობა აუტანელია!", - დაწერა კიდევ ერთმა ფეისბუკმომხმარებელმა.

მოგვიანებით ნიკოლოზ რაჭველმა მათ კომენტარს უპასუხა:

"ვრცელი პასუხი მაქვს, შევეცდები ხვალ მოვუყარო თავი აზრებს, გულწრფელად განვიცდი თითოეული მსხვერპლის ტრაგიკულ ამბავს, მაგრამ ამავე დროს არ მინდა კიდევ ერთი ტრაგიკული, და ამავე დროს მსოფლიო მასშტაბით გაშუქებული ტრაგიკული ამბის მომსწრე გავხდე, თან როცა ვიცი რომ ეს ჩემი ქვეყნის სირცხვილი იქნება და არა სამართლიანობის აღდგენის აქტი! ამ მოცემულობაში ყველაფრის გათვალისწინებით სრულიად სამარცხვინო კომენტარია!!!", - წერს ნიკოლოზ რაჭველი.

საქართველოს ყოფილი პრეზიდენტი, მიხეილ სააკაშვილი 1-ელ ოქტომბერს დააკავეს. იგი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. აღნიშნულ საქმეებზე სასამართლოს მიერ გამოტანილი გადაწყვეტილებები საბოლოოა და არ საჩივრდება. სააკაშვილი დაკავების დღიდან შიმშილობს. იგი ამჟამად იმყოფება სასჯელაღსრულების სისტემის მე-18 სამკურნალო დაწესებულებაში. 11 ნოემბერს მიხეილ სააკაშვილმა განაცხადა, რომ მაღალტექნოლოგიურ კლინიკაში, გარდა გორის სამხედრო ჰოსპიტლისა, გადაყვანის შემთხვევაში, მზად არის შიმშილობა შეწყვიტოს.

ამავე თემაზე:

🔲 "ნაციონალური მოძრაობის" პროტესტი გრძელდება - აქციები დედაქალაქსა და რეგიონებში გაიმართება

🔲 მიხეილ სააკაშვილი ლოგინიდან ვერ დგება - პირადი ექიმი

🔲 "პაციენტის მართვა ექიმების და არა პოლიტიკოსების საქმეა" - რატი ბრეგაძის მამა ნიკოლოზ სააკაშვილს პასუხობს