ჩვენ ქვეყანაში სამღვდელოების 80% კვდება მშიერი, ყველას არ ჰყავს 100 000- დოლარიანი ჯიპები! - მამა პეტრე

სვეტიცხოვლის საკათედრო ტაძარში მოღვაწე მამა პეტრე აცხადებს, რომ საქართველოში მღვდლების „80% კვდება მშიერი“. სასულიერო პირების მძიმე სოციალურ მდგომარეობაზე, მამა პეტრემ, ინგა გრიგოლის „რეაქციაში“ისაუბრა.

„ჩვენ ქვეყანაში სამღვდელოების 80% კვდება მშიერი. მე ვიცი რომ ამას ყველა ვერ გაახმოვანებს. ყველას არ ჰყავს 100 000- დოლარიანი ჯიპები! ხალხნო,  ყველას ერთ ქვაბში ნუ ხარშავთ. მე ვიცნობ სასულიერო პირის ოჯახებს, რომლებიც მხოლოდ ჯვრის წერის შემოსავალზე, ნათლობაზე ცხოვრობდნენ, მაგრამ პანდემიამ ბოლო მოუღო ჯვრის წერას. რითი იცხოვროს იმ მღვდლის ოჯახმა ვისაც 12 შვილი ჰყავს?

ბევრი სასულიერო პირი ამას ვერ ამბობს, ბევრი არ იტყვის იმიტომ რომ, აი რისი ეშინიას გამო… მაბარებენ, მამაო ჩემი სახელითაც ისაუბრე, აბსოლუტურად გეთანხმები მაგრამ, საქმე საქმეზე რომ მიდგება, ისევ ჩირგვებში დაიმალებიან. მე არ მაინტერესებს რისი ეშინიათ.

ქრისტიანობა არის ადამიანთა მსახურება. ადამიანთა მსახურებიდან იწყება ღვთის მსახურება. თუ ადამიანებს კარი მიუხურე და მშიერი ადამიანი ვერ დააპურე, რაში მჭირდება მაშინ ან ასეთი მღვდლობა ან ასეთი ღვთისმსახურება.

რაში მჭირდება მღვდლობა თუ ჩემი მღვდლობის გამო მე ვერ ვიმუშავე საჯარო სამსახურში და ჩემი ოჯახი ვერ ვარჩინე. მე არავის ვეუბნები ჩემი ოჯახი მირჩინოს. მე იმის პირობები ხომ უნდა მქონდეს ჩემს ქვეყანაში მინიმუმ იმის დონეზე, რომ ჩემი ოჯახი არ იყო გაჭირვების მიღმა და კომუნალურების გამო იყინებოდეს ამ ზამთარს. ჩვენ რაზე ვსაუბრობთ 2022 წელს, მშიერ ბავშვებზე, გაყინულ ბავშვებზე.

კონკრეტულ სასულიერო იერარქებთან მისაუბრია ამაზე, ეს პრობლემა რომ არსებობს ჩვენს ქვეყანაში", – განაცხადა მამა პეტრე კოლხმა გადაცემა "რეაქციაში".

ასევე დაგაინტერე­­­­სებთ:

🔵ვიღაცამ ვიღაცას არ დაურეკოს საპატრიარქოში, ეს გიჟი მღვდელი გააჩუმეთო - მამა პეტრე

🔵ლოცვა, რომელიც მორწმუნეებმა შობის ღამეს უნდა წაიკითხონ

🔵ტირილით ნამღერი ქართული იავნანა - ემიგრანტი ძიძის ისტორია