"დამიკავშირდა სასამართლოს წარმომადგენელი და მითხრა, რომ ხვალინდელ პროცესზე მიხეილ სააკაშვილის გადაყვანას ითხოვენ სასამართლო დარბაზში" - ბექა ბასილაია
საქართველოს მესამე პრეზიდენტის მიხეილ სააკაშვილის ადვოკატის, ბექა ბასილაიას თქმით, თბილისის საქალაქო სასამართლოს წარმომადგენელმა დაურეკა და შეატყობინა, რომ გაკეთდება მოთხოვნა საქართველოს ექსპრეზიდენტის სასამართლო დარბაზში გადაყვანის შესახებ.
ბასილაიას თქმით, ახლა იუსტიციის სამინისტრო და პენიტენციური სამსახური ვალდებულები არიან, სასამართლოს ეს მოთხოვნა შეასრულონ.
"დამიკავშირდა საქალაქო სასამართლოს წარმომადგენელი და მითხრა, რომ ხვალინდელ პროცესზე გააკეთებენ მოთხოვნას მიხეილ სააკაშვილის სასამართლო დარბაზში გადაყვანასთან დაკავშირებით.
შესაბამისად, სასამართლომ თქვა, რომ სასამართლო პროცესი უნდა შედგეს თბილისის საქალაქო სასამართლოში. სასამართლომ თქვა, რომ მიხეილ სააკაშვილის გადაყვანას ითხოვენ სასამართლო დარბაზში.
ხვალ მიხეილ სააკაშვილის სასამართლო პროცესი თუ არ ჩატარდა სასამართლო დარბაზში, ეს იქნება კიდევ ერთი მაჩვენებელი, რომ ხელისუფლება არის შეშინებული და ცდილობს, მხოლოდ კრიმინალის ხელით, თავადაც კრიმინალური ქმედებებით ჩაახშოს ის დიდი პროტესტი, რაც ქართველ ხალხშია.
არ არსებობს არავითარი სამართლებრივი საფუძველი, ხვალინდელი პროცესის სასამართლოში არ გამართვასთან და მიხეილ სააკაშვილის არ გადაყვანასთან დაკავშირებით", - განაცხადა ბექა ბასილაიამ.
მანამდე, იუსტიციის მინისტრმა, რატი ბრეგაძემ "რუსთავი 2-"ის განაცხადა, რომ სამინისტრო მკაცრ რეკომენდაციას იძლევა, რომ მიხეილ სააკაშვილმა სასამართლოს გამო ციხის ტერიტორია არ დატოვოს.
პენიტენციური სამსახურის ინფორმაციით, ჯანმრთელობის მდგომარეობის გაუარესების პრევენციის მიზნით და მომატებული საფრთხეებიდან გამომდინარე პატიმარი მიხეილ სააკაშვილი, მე-12 პენიტენციური დაწესებულებიდან N18 ბრალდებულთა და მსჯავრდებულთა სამკურნალო დაწესებულებაში 8 ნოემბერს გადაიყვანეს.
მანამდე ექსპრეზიდენტის პირადმა ექიმმა ნიკოლოზ ყიფშიძემ განაცხადა, რომ კონსილიუმმა მიხეილ სააკაშვილის სამოქალაქო კლინიკაში დაუყოვნებლივ გადაყვანის გადაწყვეტილება მიიღო.
საქართველოს ყოფილი პრეზიდენტი, მიხეილ სააკაშვილი 1-ელ ოქტომბერს დააკავეს. იგი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. აღნიშნულ საქმეებზე სასამართლოს მიერ გამოტანილი გადაწყვეტილებები საბოლოოა და არ საჩივრდება. სააკაშვილი დაკავების დღიდან, მე-40 დღეა შიმშილობს.
სააკაშვილის ადვოკატები და სახალხო დამცველი ყოფილი პრეზიდენტის სამოქალაქო საავადმყოფოში გადაყვანას ითხოვენ, იუსტიციის სამინისტრო კი აცხადებს, რომ #18 სასჯელაღსრულების (სამკურნალო) დაწესებულებაში სააკაშვილის მკურნალობისთვის ყველა აუცილებელი პირობა არსებობს.
ამავე თემაზე:
🔲 "ჯოჯოხეთური მდგომარეობაა, მიხეილ სააკაშვილი გადმოყვანილია იმისთვის, რომ მოხდეს მისი ლიკვიდაცია" - ბექა ბასილაია გლდანის სამკურნალო დაწესებულებაზე
🔲 "ნაციონალური მოძრაობა" 19:00 საათზე პარლამენტთან მორიგ აქციას გამართავს
1726996872
მსოფლიოალაბამას შტატში სროლას სულ მცირე 4 ადამიანი ემსხვერპლა, ათობით კი დაშავდა - BBC
ალაბამას შტატის ქალაქ ბირმინგემში სროლის შედეგად სულ მცირე ოთხი ადამიანი დაიღუპა, ათობით კი დაშავდა. ინფორმაციას BBC-ი პოლიციის განცხადებაზე დაყრდნობით ავრცელებს. პოლიციის ცნობით, ცეცხლი რამდენიმე ადა...
1726988889
საზოგადოებაეკლესია ღვთისმშობლის მშობლების, იოაკიმესა და ანას ხსენების დღეს აღნიშნავს
22 სექტემბერს, ეკლესია ღვთისმშობლის მშობლების, იოაკიმესა და ანას ხსენების დღეს აღნიშნავს. წმიდა იოაკიმე და ანა იუდეის ქალაქ ნაზარეთში ცხოვრობდნენ. წმიდა იოაკიმე დავითის სამეფო გვარის ჩამომავალი იყო,...
1726951403
საზოგადოება„კესო ყველაზე ბედნიერი ტრანსი ქალი იყო საქართველოში და შესაძლოა მსოფლიოშიც, სწორედ მისი საოცარი მშობლების გამო“ - ნუცა სუბელიანი
18 სექტემბერს ცნობილი გახდა, რომ თბილისში, დიდ დიღომში, ავთანდილის ქუჩაზე, საკუთარ ბინაში მოკლული იპოვეს მოდელი კესარია აბრამიძე. არსებული ინფორმაციით, მას სასიკვდილო ჭრილობა ყელის არეში ცივი იარაღით...
1726949730
ჰოროსკოპი22 სექტემბრის ასტროლოგიური პროგნოზი
რას გვირჩევენ ვარსკვლავები 22 სექტემბრისთვის ჯანმრთელობის, ბიზნესის და სიყვარულის მიმართულებით? ვერძი ხელსაყრელი დღეა ახალი, საინტერესო საქმის დაწყებისთვის, ექსპერიმენტებისა და საგანმანათლებლო საქმია...
1726946970
საზოგადოებაბერი ანდრიას სახელობის საქველმოქმედო ფონდს საქართველოს საფეხბურთო ნაკრების წევრმა ლუკა ლოჩოშვილმა 30 000 ლარი აჩუქა
ბერი ანდრიას სახელობის საქველმოქმედო ფონდს საქართველოს საფეხბურთო ნაკრების წევრმა ლუკა ლოჩოშვილმა 30,000 ლარი აჩუქა. აღნიშნული საჩუქარი ფონდის ხელმძღვანელობას ლეგენდების მატჩის დაწყებამდე დედაქალაქის...