"ნაცმოძრაობის" აქცია რუსთავის ციხესთან დაიწყო - ფოტოკოლაჟი

რუსთავის მე-12 პენიტენციურ დაწესებულებასთან, გაერთიანებული ოპოზიციის და "ნაციონალური მოძრაობის" აქცია 18:00 საათის ნაცვლად საათ-ნახევრის დაგვიანებით დაიწყო.

როგორც აქციის ორგანიზატორები აცხადებენ, მათი უმთავრესი მოთხოვნაა - საქართველოს მესამე პრეზიდენტის მიხეილ სააკაშვილის თავისუფლების მოთხოვნა.

როგორც "ნაცმოძრაობის" ერთ-ერთმა ლიდერმა აკო მინაშვილმა განაცხადა, ოპოზიციის დღევანდელ აქციაზე კონკრეტული სამოქმედო გეგმა გაჟღერდება.

მინაშვილის თქმით, პატიმარ მიხეილ სააკაშვილის გათავისუფლების ირგვლივ შექმნილ საერთო მოძრაობას, ბევრი ადამიანი შეუერთდა, რომლებიც სულ სხვა განწყობაზე იყვნენ მანამდე და განსხვავებული აზრი ჰქონდათ პოლიტიკური თვალსაზრისით.

მანამდე, "ნაციონალური მოძრაობის" თავმჯდომარე ნიკა მელიამ განაცხადა, ისინი არ დაიშლებიან მანამ, სანამ მიხეილ სააკაშვილს არ გაათავისუფლებენ პატიმრობიდან.

საქართველოს მესამე პრეზიდენტი მიხეილ სააკაშვილი 1 ოქტომბერს, თბილისში დააკავეს. იგი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. აღნიშნულ საქმეებზე სასამართლოს მიერ გამოტანილი გადაწყვეტილებები საბოლოოა და არ საჩივრდება. სააკაშვილი დაკავების დღიდან, 36-ე დღეა შიმშილობს. სააკაშვილის ადვოკატები და პირადი ექიმები მისი ჯანმრთელობის მდგომარეობის დამძიმებაზე საუბრობენ და ყოფილი პრეზიდენტის სამოქალაქო კლინიკაში გადაყვანას ითხოვენ.

ამავე თემაზე:

🔵 პენიტენციურმა სამსახურმა მიხეილ სააკაშვილის მიერ საკვების მიღების ამსახველი ვიდეომასალა გაასაჯაროვა (ვიდეო)

🔵  სუსი "ნაცმოძრაობის" აქციაზე: გეგმავენ გარკვეული სახელმწიფო დაწესებულებების პიკეტირებას, ასევე აქტიურად განიხილავენ ერთ-ერთი ოპოზიციური ლიდერის ლიკვიდაციის შესაძლებლობასაც

🔵  "დღეს მოუთმენლად ველი ბევრი ადამიანის ხმის გაგონებას რუსთავში" - მიხეილ სააკაშვილი

🔵 "თუ ასე გააგრძელებთ, ქართველი ხალხი აიყვანს მძევლად ბიძინა ივანიშვილს" - ლევან ხაბეიშვილი