"ნაცმოძრაობის" ცხრა დეპუტატმა შიმშილობა დაიწყო - სია

"ნაციონალური მოძრაობის" ცხრა დეპუტატმა შიმშილობა დაიწყო", - ამის შესახებ ენმ-ს წევრმა დავით კირკიტაძემ პარლამენტში  საგანგებო ბრიფინგზე განაცხადა.

პოლიტიკოსები მოითხოვენ, პატიმარი მიხეილ სააკაშვილი გადაიყვანონ სამოქალაქო კლინიკაში.

შიმშილობა დაიწყეს აკაკი მინაშვილმა, თემურ ჯანაშიამ, ბაჩუკი ქარდავამ, ნიკა მაჭუტაძემ, გიორგი გოდაბრელიძემ, სულხან სიბაშვილმა, ლევან ბეჟაშვილმა, აბდულა ისმაილოვმა და დავით კირკიტაძემ.

გაერთიანებული ოპოზიცია 6 ნოემბრიდან პერმანენტულ აქციებს მართავს მიხეილ სააკაშვილის მაღალტექნოლოგიურ კლინიკაში გადაყვანის მოთხოვნით.

საქართველოს ყოფილი პრეზიდენტი, მიხეილ სააკაშვილი 1-ელ ოქტომბერს დააკავეს. იგი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. აღნიშნულ საქმეებზე სასამართლოს მიერ გამოტანილი გადაწყვეტილებები საბოლოოა და არ საჩივრდება. სააკაშვილი დაკავების დღიდან შიმშილობს. იგი ამჟამად იმყოფება სასჯელაღსრულების სისტემის მე-18 სამკურნალო დაწესებულებაში. 11 ნოემბერს მიხეილ სააკაშვილმა განაცხადა, რომ მაღალტექნოლოგიურ კლინიკაში, გარდა გორის სამხედრო ჰოსპიტლისა, გადაყვანის შემთხვევაში, მზად არის შიმშილობა შეწყვიტოს.

ამავე თემაზე:

🔲 "არ მინდა კიდევ ერთი ტრაგიკული ამბის მომსწრე გავხდე, თან როცა ვიცი, ეს ჩემი ქვეყნის სირცხვილი იქნება და არა სამართლიანობის აღდგენის აქტი! გადაიყვანეთ!!" - ნიკოლოზ რაჭველი

🔲 "დეკანოზ მამალაძეს დაუდგინდა კოვიდი, ნახულობდა ის პერსონალი, ვინც მიშას ნახულობს" - ნიკა გვარამია

🔲 "ნაცმოძრაობის" მიერ დღეისთვის დაგეგმილი აქციები გაუქმდა