„რუსთავი 2“-მა  ტელეკომპანია „იმედის“ გადაცემების „პრაიმშოუ” და „ნოესთან” ფორმატი დააკოპირა?

„რუსთავი 2“- მა  ტელეკომპანია „იმედის“ გადაცემების „პრაიმშოუ” და „ნოესთან” ფორმატი დააკოპირა?

ის გადაცემა, რომლის ანონსი სოციალურ ქსელში გამოჩნდა, ძალიან ჰგავს ტელეკომპანია „იმედის“ ყოველკვირეულ გადაცემას „პრაიმშოუ“.

გადაცემა „პრაიმშოუს“ 6 წამყვანი - ნოე სულაბერიძე, ნინი ბადურაშვილი, ანრი ჯოხაძე, ირაკლი მაქაცარია, სალომე ღვინიაშვილი და ნინო ნადირაძე არიან.  შოუს სტუმრები აქტუალურ თემაზე ცხარე დისკუსიას მართავენ.

„მწვავე დებატები, კითხვები და პასუხები ასპექტებზე, რომლებიც ამბების მიღმა რჩება. გადაცემა, სადაც წამყვანები საზოგადოებას ნაცნობი მოვლენების უცნობ მხარეებს აცნობენ. ექვსი ვარსკვლავი ერთმანეთის პირისპირ წამყვანის ამპლუაში და დარბაზი, რომელიც ყველა გადაცემაში მათგან საუკეთესოს გამოავლენს. “, - ასეთი აღწერა აქვს გადაცემას ფეისბუკის ოფიციალურ გვერდზე.

„პრაიმშოუს“ მაღალი რეიტინგი აქვს და ხშირად  მისი თემები საზოგადოების განსჯის საგანი ხდება.

ანალოგიური ფორმატი ექნება ტელეკომპანია „რუსთავი 2“-ის ეთერში ახალ გადაცემას, რომელსაც „ღამის პრაიმ ტაიმი“ ჰქვია.

როგორც სოციალურ ქსელში „აფხაზური ამბები“ წერს, გადაცემას 6 ყველასთვის კარგად ნაცნობი სახე: ნინო ჩხეიძე, ანა ჩირაძე, ზურა ხაჩიძე, ბაჩო კოლელიშვილი, ავთანდილ ცქვიტინიძე და ნიკა ხაჩიძე წაიყვანს. ცნობილია, ისიც რომ გადაცემა ეთერში კვირაში ერთხელ გავა.

ეს ერთადერთი გადაცემა, არ არის, რომელიც „რუსთავი 2“-ის ეთერში გადის და რომელიც, შეიძლება ითქვას, რომ ანალოგია ტელეკომპანია „იმედის“ გადაცემის - „ნოესთან“.

ორივე შემთხვევაში წამყვანს ჰყავს ერთი რესპონდენტი და საუბრობს ისეთ საკითხებზე, რომელიც მეტ-ნაკლებად მაყურებლისთვის დღემდე უცნობია.

გარდა შინაარსობრივი მსგავსებისა, გადაცემა „სხვა კითხვები ნიკოლოზისგან”  „ნოესთან“  სტუდიით და განათებითაც ფაქტობრივად  არ განსხვავდება.

ასევე საინტერესოა:

🔵 საქართველოში ბიოკვერცხი გაიყიდება

🔵 შეგიძლიათ თუ არა, იტალიური საბუთით, ევროპის სხვა ქვეყანაში ლეგალურად ცხოვრება და მუშაობა?!

🔵 WHO: ფაქტები და მითები „ომიკრონის“  შესახებ