"საავადმყოფოში გადაიყვანეთოო... აბა ახლა სადაცაა ის საკონცერტო დარბაზია?!" - პენიტენციური სისტემის პირველადი ჯანდაცვის ყოფილი უფროსი, მიხეილ სააკაშვილზე

იუსტიციის სამინისტროს სპეციალური პენიტენციური სისტემის პირველადი ჯანდაცვის ყოფილი უფროსი, ხათუნა წიწავა იუსტიციის მინისტრზე გაკეთებულ სხვადასხვა შეურაცხმყოფელ განცხადებებს ფეისბუკზე გამოეხმაურა.

როგორც წიწავა აღნიშნავს, იგი გაოგნებულია იმ შეფასებებით, რაც ისმის რატი ბრეგაძის მისამართით, ვინაიდან აღნიშნულ დაწესებულებაში თავად არაერთხელ გადაუყვანია პატიმრები სამკურნალოდ.

"სხვა დღეებში ვერ ვიცლი და ჩამოვსქროლე დილაუთენია...

საავადმყოფოში გადაიყვანეთოო... აბა ახლა სადაცაა ის საკონცერტო დარბაზია?!

გეთანხმებით 2012 წლამდე როგორი ბუტაფორია იყო ისეთი ნაღდად არაა...

2014 წელს ამერიკის საელჩოს მხარდაჭერით ხელახლა აღვჭურვეთ, გავარემონტეთ, გავუთანაბრეთ შეძლებისდაგვარად ევროპული ციხის სტანდარტს...

ათობით მოშიმშილე პატიმარი გადამიყვანია იქ და გვიმკურნალია...

სისტემიდან, რომ წამოვედი ციხის ცენტრალური საავადმყოფო დავტოვე რომელიც ძალიან მეამაყებოდა და რა ვიცი...

გაოგნებული ვარ კომენტარებით...", - წერს ხათუნა წიწავა Facebook-ზე.

საქართველოს ყოფილი პრეზიდენტი, მიხეილ სააკაშვილი 1-ელ ოქტომბერს დააკავეს. იგი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. აღნიშნულ საქმეებზე სასამართლოს მიერ გამოტანილი გადაწყვეტილებები საბოლოოა და არ საჩივრდება. სააკაშვილი დაკავების დღიდან შიმშილობს. იგი ამჟამად იმყოფება სასჯელაღსრულების სისტემის მე-18 სამკურნალო დაწესებულებაში. 11 ნოემბერს მიხეილ სააკაშვილმა განაცხადა, რომ მაღალტექნოლოგიურ კლინიკაში, გარდა გორის სამხედრო ჰოსპიტლისა, გადაყვანის შემთხვევაში, მზად არის შიმშილობა შეწყვიტოს.

ასევე დაგაინტერესებთ:

🔲 ესპანეთში მოღვაწე ქართველი სოპრანო ლალი ჭილაია გარდაიცვალა

🔲 "სააკაშვილი უპირობოდ იმყოფება გარდაუვალი სიკვდილის რისკის ქვეშ" - ნანა გეგეჭკორი და ზურაბ გურული ჯანდაცვის სამინისტროს ღია წერილით მიმართავს

🔲 "ამ დრომდე არ გამოვლენილა მიზეზი, რომელიც სახალხო დამცველს, კონსილიუმის საქმიანობაში ეჭვის შეტანის საფუძველს მისცემდა" - სახალხო დამცველის აპარატი განცხადებას ავრცელებს

🔲 ადვოკატი: სააკაშვილი მზად არის შეხვდეს ამჟამად მოქმედ კონსილიუმს