„შეეცადა ქალი მკვლელობამდე დახმარების მიღებას პოლიციისგან, სოციალური სამსახურისგან, ექიმისგან?“

არასამთავრობო ორგანიზაცია "პარტნიორობა ადამიანის უფლებებისთვის" აღმასრულებელი დირექტორი  ანა არგანაშვილი სოციალურ ქსელში ქალთა გახშირებულ მკვლელობებზე წერს:

„ფემიციდზე სიუჟეტის ყურებისას არ მაინტერესებს და არ მინდა ვიცოდე:- რატომ ჰქონდათ კონფლიქტი (არ აქვს მნიშვნელობა, ოჯახში ძალადობის დროს მოძალადისთვის ნებისმიერი მიზეზი კმარა. მაგალითად, სუპს მარილი აკლია). - როგორი ადამიანია მოძალადე (არ აქვს მნიშვნელობა, მოძალადეების ერთი კატეგორია არ არსებობს).

• მეზობლები რას ფიქრობენ (არ აქვს მნიშვნელობა, მეზობლები რომლებმაც არ იმოქმედეს გადასარჩენად, უკვე ტენდენციურები არიან ან, არაინფორმირებულები).
• - რა იყო მკვლელობის მოტივი (არ აქვს მნიშვნელობა, დავუშვათ ეჭვიანობა, რა იცვლება ამით ან რას ვიგებთ ახალს)მე მაინტერესებს:
• - შეეცადა ქალი მკვლელობამდე დახმარების მიღებას პოლიციისგან, სოციალური სამსახურისგან, ექიმისგან?
• - რა გააკეთა პოლიციამ და რა ვერ გააკეთა?
• - სოციალურ მუშაკს, ექიმს ან, ახლობელს (მეზობელს, მეგობარს) ეჭვი თუ გაუჩნდა ოჯახში ძალადობაზე, შეტყობინება გააკეთა?
• - წინა შემთხვევებზე რისკის შეფასება ჩაატარა პოლიციამ? რამდენი ქულა მიიღო? თუ მაღალი ქულა იყო, მაინც მოძალადესთან დატოვა?
• - შეეძლო ქალს ვინმესთვის დახმარების თხოვნა?
• - ჰქონდა ინფორმაცია რომ ოჯახში ძალადობის მსხვერპლი იყო? პირველი ძალადობა იყო?
• - იცოდა, რომ ემოციური ძალადობა არ უნდა მოეთმინა და გაქცეულიყო?
• - სად შეეძლო გაქცეულიყო?- ჰქონდა მოძალადისგან გაქცევის შესაძლებლობა?
• - ჰქონდა ეკონომიკური დამოუკიდებლობა?
• - სამსახური ჰქონდა? დამსაქმებელმა იცოდა რომ ძალადობის მსხვერპლი იყო? რა გააკეთა.
• - რა უნდა ყოფილიყო ადგილზე ქალის გადასარჩენად და არ იყო? ანუ, რა გამოგვრჩა ყველას, რომ ეს ფემიციდი არ მომხდარიყო, სად ვერ დავეხმარეთ ამ ქალს.“ - წერს ადამიანის უფლებების ადვოკატი, რომელიც სასამართლოში  ქალების, ბავშვების, შეზღუდული შესაძლებლობის მქონე პირების და სხვა უმცირესობის ჯგუფის უფლებებს იცავს.

ასევე საინტერესოა:

🔵 გამზრდელი ბებია ეძებს 14 წლის გოგონას, რომელიც 11 წლის ასაკში დანიშნეს და საქმრომ გაიტაცა - ბაია პატარაია

🔵 გიორგი გახარიამ საქართველოს პატრიარქს აღსაყდრებიდან 44 წლის იუბილე დღეს მიულოცა