"თითქოს ქართველებმა საფრანგეთის ერთ-ერთი სუპერმარკეტიდან დიდი რაოდენობის სნიკერსი და კარაქი მოიპარეს, სინამდვილეს არ შეესაბამება" - ნუგზარ სულაშვილი

რამდენიმე დღის წინ ქართულ მედიაში გავრცელებული ინფორმაცია, რომელიც ფრანგულ მედიას ეყრდნობოდა, თითქოს ქართველებმა საფრანგეთის ერთ-ერთი სუპერმარკეტიდან დიდი რაოდენობის სნიკერსი და კარაქი მოიპარეს სინამდვილეს არ შეესაბამება.

ინფორმაციას, ამის შესახებ AFG-ის აღმასრულებელი დირექტორი ნუგზარ სულაშვილი სოციალურ ქსელში წერს:

"ცრუ ინფორმაცია!

რამდენიმე დღის წინ გავრცელებული ინფორმაცია იმის შესახებ, რომ ქართველებმა საფრანგეთის ერთ-ერთი სუპერმარკეტიდან მოიპარეს დიდი რაოდენობის სნიკერსი და კარაქი, სინამდვილეს არ შეესაბამება.

ავტომობილი ნამდვილად დააკავეს სამართალდამცველებმა გადაჭარბებული სიჩქარის გამო.

მძღოლმა და მგზავრებმა ვერ წარმოადგინეს შესაბამისი ჩეკები, რითაც დაადასტურებდნენ რომ პროდუქტი კანონიერი გზით ჰქონდათ შეძენილი, რის გამოც ისინი კომისარიატში გადაიყვანეს.

ჩვენმა ადვოკატებმა გადაამოწმეს იმ მარკეტების ვიდეო კამერები, სადაც პროდუქტი იქნა შეძენილი და სალაროს მონაცემები წარუდგინეს გამოძიებას.

დადგინდა, რომ ქალბატონი, რომელიც დაკავებულია კულინარიით, ამზადებს სადღესასწაულო ტორტებს და სხვა საკონდიტრო ნაწარმს გასაყიდად, ხშირი მომხმარებელი იყო აღნიშნული სავაჭრო ობიექტების.

ამიტომ მოგმართავთ თხოვნით: არ გადაყაროთ შეძენილი საქონლის სალარო ბილეთები, თუნდაც რამდენიმე დღით, რომ მსგავს უსიამოვნებას აარიდოთ თავი", - წერს ნუგზარ სულაშვილი.

სხვა სიახლეები:

🔳 "ორჯერ აცრილია - იმუნიტეტი დაძლევსო... არაფერია, არაფერია ძახილის შემდეგ, ნახევარი საათის წინ დარეკეს და…" - რა წერს ნუგზარ სულაშვილი

🔳 80 ქილა კარაქის, სნიკერსისა და ქინდერის ქურდობისთვის საფრანგეთში საქართველოს 2 მოქალაქე დააკავეს

🔳 "ემიგრაციაშიც გეძებ დედი, იქნებ მოგკრა თვალი სადმე დედიკო და ჩაგიხუტო... რა ვქნა, ყველა ჩემი შვილი მგონია" - ემოციური ისტორია სოციალური გვერდიდან