"თუ ჩემი სიცოცხლის პარამეტრებს შეექმნება საფრთხე, მივიღებ გარკვეულ მედიკამენტებს" - ელენე ხოშტარია

"დროა"- ს ლიდერი ელენე ხოშტარია მე-7 დღეა, მიხეილ სააკაშვილის სამოქალაქო კლინიკაში გადაყვანის მოთხოვნით შიმშილობს.

იგი პარლამენტის შენობაში იმყოფება, სადაც რამდენიმეჯერ სამედიცინო დახმარება გამოიძახეს.

როგორც ხოშტარიამ განაცხადა, შიმშილობას არ შეწყვეტს, თუმცა თუ მის სიცოცხლეს საფრთხე დაემუქრება, იგი წამლებს მიიღებს.

"მე თავიდანვე ვთქვი, რომ ვიშიმშილებდი მანამ, სანამ მიხეილ სააკაშვილის სიცოცხლეს საფრთხე არ მოეხსნება. დღეს მიხეილ სააკაშვილის ჯანმრთელობის და უსაფრთხოების პრობლემა არის კიდევ უფრო დიდი, ვიდრე იყო მანამდე. ამიტომ, მე არც კი განვიხილავ შიმშილობის შეწყვეტას. მე ვაგრძელებ შიმშილობას. ერთადერთი, რადგან პოლიტიკური კონტექსტი შეიცვალა, თუ ჩემი სიცოცხლის პარამეტრებს შეექმნება საფრთხე, მივიღებ გარკვეულ მედიკამენტებს. მე არ ვაპირებ დანებებას, შიმშილის შეწყვეტას, არ ვაპირებ არც სიკვდილს. მე ვაპირებ გამარჯვებას ამ ბრძოლის გზით", - განაცხადა ხოშტარიამ.

ელენე ხოშტარიამ შიმშილობა 3 ნოემბერს დაიწყო. იგი სოლიდარობას უცხადებს საქართველოს მესამე პრეზიდენტს მიხეილ სააკაშვილს, და აცხადებს, რომ იშიმშილებს მანამ, სანამ არ იქნება ოპოზიციის მოთხოვნები დაკმაყოფილებული.

ასევე დაგაინტერესებთ:

🔲 "ნაციონალური მოძრაობა" 19:00 საათზე პარლამენტთან მორიგ აქციას გამართავს

🔲 "გადმომათრიეს მანქანიდან, კრიმინალების გინების ქვეშ გამათრიეს მიწაზე და რამდენჯერმე ჩამარტყეს კისერში, მითრიეს თმებით, ამ დროს გავუწიე წინააღმდეგობა" - მიხეილ სააკაშვილი