თუ გვსურს 2022 წელს რამე შეიცვალოს, პოლიტიკურმა ოპოზიციამ პრიორიტეტები უნდა შეცვალოს - თამარ ჩერგოლეიშვილი

პოლიტიკის ანალიტიკოსი და გამოცემა “ტაბულას” დამფუძნებელი თამარ ჩერგოლეიშვილი საქართველოში აშშ-ის საელჩოს  განცხადებას  სოციალურ ქსელში, ვრცელი  პოსტით ეხმაურება და წერს, რომ  2022 წელს ცვლილებების გასატარებლად, ოპოზიციამ პრიორიტეტები უნდა შეცვალოს. 

„შეერთებული შტატების ოფიციალური განცხადებების ენას თუ გავაანალიზებთ, იმასაც დავიჭერთ, რომ განსაკუთრებით მძიმეა მაშინ, როდესაც სისტემურ პრობლემას ეხება.

მაგრამ, როგორც არ უნდა დამძიმდეს შეერთებული შტატების ენა საქართველოს მთავრობასთან მიმართებით, არაფერი შეიცვლება და ივანიშვილის რეჟიმს კარტ ბლანში ექნება მანამდე, სანამ ადგილზე მისი დემოკრატიული ალტერნატივა არ გაჩნდება.

[სიკეთისკენ] არაფერი შეიცვლება მანამ, სანამ საქართველოში არ გაძლიერდება ის ოპოზიცია, რომელსაც თანმიმდევრული, დემოკრატიულ ღირებულებებზე ორიენტირებული, მესიანიზმისგან სრულიად დაცლილი, პროგრესული დღის წესრიგი აქვს.

თუ გვსურს 2022 წელს რამე შეიცვალოს, პოლიტიკურმა ოპოზიციამ პრიორიტეტები უნდა შეცვალოს.

ჩვენ მისიონერებად უნდა ვიქცეთ და მაშინ, როდესაც ხელისუფლება დემოკრატიას ანადგურებს, დემოკრატიის მხარდაჭერა, დემოკრატიაში რწმენა გავაფართოოთ.

მხოლოდ ძლიერ დემოკრატიულ მოძრაობას ექნება დასავლეთის ის მხარდაჭერა, რაც ადგილზე, ვითარებას რეალურად შეცვლის.

სანამ ეს მოხდება, წინსვლა არ გვექნება – უკან ვივლით” – წერს თამარ ჩერგოლეიშვილი.

ასევე დაგაინტერე­­­­სებთ:

🔵იტალიაში, რუსეთის მოთხოვნით, უკრაინელი რეჟისორი დააპატიმრეს

🔵იაშვილის კლინიკაში კოვიდით 1 თვის ბავშვი გარდაიცვალა

🔵ძლიერი ყინვა და თოვა – უახლესი დღეების ამინდის პროგნოზი