ვინ არის ამერიკული ჟურნალის გარეკანზე მოხვედრილი ქართველი ემიგრანტი?!

დაახლოებით, ემიგრანტების 60-70% საკუთარ ქვეყანაში ოჯახის, მეგობრებისა და ახლობლების გარდა, წლობით ნაშენებ, ან თუნდაც, საწყის ეტაპზე მყოფ კარიერას, საყვარელ საქმესა და ინტერესებს ტოვებს! ფსიქოლოგიური თვალსაზრისით, ყველაზე მეტად, სწორედ, ეს ამძიმებს ემიგრანტის მდგომარეობას. მეც ხშირად მითქვამს და სხვებისგანაც არაერთხელ მომისმენია, რომ “სხვის ქვეყანაში ჩვენი დიპლომები და პროფესიული გამოცდილება, არავის აინტერესებს!” როცა მშობლიური ქვეყნიდან წასვლის გადაწყვეტილებას ვიღებთ, ფიზიკურად მუშაობის ფსიქოლოგიური მზაობაც უნდა გვქონდეს. პროცენტულად ძალიან ცოტას უმართლებს, როცა სხვის ქვეყანაში, სადაც, ეკონომიკური მდგომარეობის გასაუმჯობესებლად ჩავიდა, საყვარელი საქმის კეთების შესაძლებლობა ეძლევა.

იმის გათვალისწინებით, რომ ციფრულ ეპოქაში ვცხოვრობთ, ჩემი რესპონდენტის “მიმდევარი”, შესაძლოა, თითოეული თქვენგანი იყოს. ბოლო რამდენიმე თვეა სოციალური ქსელი ერთი ქართველი გოგონას ვიდეოებმა მოიცვა, რომელიც ამერიკაში მისი ცხოვრების ყოველდღიურობის შესახებ გვიყვება. Keli Stone-ის ვიდეოებს საკმაოდ მრავალრიცხოვანი აუდიტორია ჰყავს. ძვირფას ქვებზე, კრისტალებზე, ხელნაკეთ სამკაულებსა და ჯანსაღი ცხოვრების წესზე ინფორმაციის მიღების პრაქტიკულობას, ვიდეოების ქრონომეტრაჟი ქმნის.

ExclusiveTV დაინტერესდა ვინ არის მარი დუა და როგორ მიაღწია იმას, რომ საყვარელი საქმე, ამერიკაში, ასეთი წარმატებით ეკეთებინა?!

მარი დუა 90-იანი წლების საქართველოში, მხატვრების ოჯახში დაიბადა. ბავშვობიდანვე მისი ინტერესის სფერო მუსიკა, კინო, ლიტერატურა და ზოგადად, ხელოვნება იყო. სწორედ, ამ სიყვარულმა გააცნო არაერთი საინტერესო დარგი. საწყის ეტაპზე, განსაკუთრებული ინტერესი მუსიკის მიმართ გაუჩნდა. ხელოვნებისადმი მარი დუას დამოკიდებულებას მოთხრობებისა და ესეების წერაც ამრავალფეროვნებდა. სწორედ, ამ ინტერესმა და წერის სიყვარულმა წარმოქმნა იდეა, პირველი ბლოგი ქვების შესახებ გაეკეთებინა. ინფორმაციის გაზიარების შემდეგ მარი დუას ინტერესის სფერო დღითი დღე იზრდებოდა, გადაწყვიტა ხელნაკეთი სამკაულების შექმნა და სხვადასხვა ქვეყნებიდან კრისტალების ჩამოტანა. ერთი კონკრეტული პროფესია არ აქვს, რამდენიმე სფეროშია ჩართული: ძირითადად დაკავებულია სამკაულის დიზაინების შექმნით, ასევე, არის გრაფიკოსი, ანიმატორი, მინანქრის ტექნიკოსი, მუსიკოსი და ა.შ.

მის შესახებ, კიდევ ბევრ მნიშვნელოვან და საინტერესო დეტალზე, მარი დუა ExclusiveTV-ის მკითხველს თავად უამბობს:

 

Keli’s Blog-იდან

KeliStone-მდე

 

ნელ-ნელა ჩემმა ბლოგმა ქართველი მკითხველი მოიზიდა  და საკმაოდ პოპულარული გახდა. ბლოგს თავიდან ჩემი მეტსახელის გამო Keli's Blog - დავარქვი. სახელი, კელი წლების განმავლობაში სასცენო ფსევდონიმი იყო. მიყვარს საინტერესო სახელების მოგონება (იცინის). ჩემს მაღაზიაში 300 ზე მეტი ნივთია და ყველას თავისი სახელი ჰქვია. “ფეისბუკის” გვერდის გახსნის შემდეგ კი სახელწოდება KeliStones-ით შევცვალე. მალევე შევქმენი საიტი Kelistones.ge - სადაც გავაზიარე პირველი ქართული ონლაინ ენციკლოპედია მინერალების შესახებ.  ენციკლოპედიაზე მუშაობას დაახლოებით ერთი წელი დასჭირდა და გამოქვეყნების შემდეგ, საკმაოდ კარგი გამოხმაურება ჰქონდა. ძალიან მახარებს ის ფაქტი, რომ ვებ-საიტს დღემდე უამრავი მკითხველი ჰყავს.

 

პირველი ნაბიჯები ამერიკაში…

 

2018 წელს თბილისში ჩავატარე ხელნაკეთი სამკაულისა და კრისტალების გამოფენა “Crystal Springs”, რის შემდეგაც რამდენიმე თვეში მიმიწვიეს აშშ-ში, სამკაულის გამოფენაზე. ამ შანსს, რა თქმა უნდა, ხელიდან ვერ გავუშვებდი და გავემართე ამერიკისკენ. თავიდან, ლოს-ანჯელესში ცხოვრება საკმაოდ რთული იყო, ბევრ დაბრკოლებას და სტრესს გადავაწყდი. ყველაფერი უცხოდ და უცნაურად მეჩვენებოდა და საკმაოდ გამიჭირდა აქაურობასთნ შეგუება, მაგრამ ბრენდზე ყოველთვის ვმუშაობდი და ვცდილობდი საიტი ინფორმაციითაც გამემდიდრებინა. ბოლო ერთი წლის განმავლობაში, მოვახერხე რამდენიმე კოლექციის შექმნა და პატარა მაღაზიებში გამოფენა. ასევე, მხოლოდ საქართველოში მცხოვრები მომხმარებლებისთვის შევქმენი ონლაინ მაღაზია, სადაც, მსურველებს შეუძლიათ, ჩემი ნამუშევრების დათვალიერება და შეძენა.

 

ამერიკული ჟურნალის გარეკანზე…

 

როდესაც ახალ კოლექციებს ვქმნი მაქვს კოლაბორაციები ლოკალურ არტისტებთან. ვცდილობთ, ჩემი სამკაულის, მაკიაჟისა და სამოსის დახმარებით შევქმნათ კრეატიული ვიზუალები და ერთობლივი, საინტერესო არტი. ერთ-ერთმა ასეთმა მცდელობამ ჟურნალის გარეკანზე ამომაყოფინა თავი, რაც დღემდე უცნაურად მეჩვენება. ყველაფერი კი ასე მოხდა: სანამ Kelistones.store-ს ჩავუშვებდით, სამკაულის მინი კოლექცია გავაკეთე და აქაურ ფოტოგრაფებს დავეკონტაქტე კოლაბორაციისთვის. ერთ-ერთი ფოტოგრაფი გამომეხმაურა, მოეწონა ჩემი იდეები და ნამუშწვრები. ფოტოსესიის შემდეგ, ფოტოები ჟურნალში გაიგზავნა და მარტის თვის გარეკანად ჩემი ფოტო გადაწყდა.

 

-70 კგ და ჯანსაღი ცხოვრების წესი…

 

ლოს-ანჯელესში ცხოვრების მეორე წელს, ნელ-ნელა დავიწყე ცხოვრების რიტმის შეცვლა: ჩემს თავს ვასწავლე ჯანსაღი კვების მეთოდები და სხვადასხვა საჭირო ვარჯიშები. საკმაოდ ნელი ტემპით და ზედმეტი სტრესის გარეშე, მოვახერხე 70 კილოგრამის დაკლება და დღეს, ვერც კი წარმომიდგენია სხვანაირად, საერთოდ, როგორ ვცხოვრობდი. ძალიან შემიყვარდა საკვების მზადება, თავის მოვლა და ვარჯიში.

 

ყოველდღიური რუტინა…

 

ბევრს ვმუშაობ სამკაულზე, ახალ კონცეპტებზე. ვცდილობ ნატურლური ქვების გამოყენებით, შევქმნა საინტერესო სამკაული, როგორც “ქეჟუალი” ასევე, ექსკლუზიური. მინდა, რომ მომხმარებელმა არამხოლოდ ქვა, არამედ, ხელოვნების ნაწილი შეიძინოს. ეს ორი ერთნაირად მიყვარს და ძალიან მახარებს ის ფაქტი, რომ მათი გაერთიანება და საინტერესო პროდუქტის შექმნა შესაძლებელია. სხვა მხრივ, საკმაოდ ჩვეულებრივი ცხოვრება მაქვს. მივყვები ყოველდღიურ რუტინას, რომ მაქსიმალურად პროდუქტიული ვიყო. გამომდინარე იქიდან, რომ ოჯახის წევრები ბიზნესში ვართ ჩართულები, დღის განმავლობაში დიდხანს ვსაუბრობთ. მიუხედავად იმისა, რომ ჩვენსა და საქართველოს შორის 13 საათიანი დროის სხვაობაა.

KeliStones ბრენდი დაახლოებით ათი წელია არსებობს. ბოლო ოთხი წელია მარი დუა ამერიკაში, ლოს-ანჯელესში ცხოვრობს და მოღვაწეობს. როგორც თავად ამბობს, საქართველოში დიდი წარმატების მიღწევა შესაძლებელია, მაგრამ არის ლიმიტები, რის შემდეგაც განვითარება ძალიან რთული ან შეუძლებელია. ამ ეტაპზე, KeliStones ახალ კოლექციაზე და ერთ საიდუმლო პროექტზე მუშაობს.

ავტორი: მზეკო ჟვანია. იტალია. რომი

აგრეთვე დაგაინტერესებთ:

📌 “იტალიური სინდრომი” - დაავადება, რომლითაც ემიგრანტი ქალბატონები იტანჯებიან - ინტერვიუ ფსიქოკონსულტანტ ნონა მაჭარაშვილთან

📌 პიზის ქართული საკვირაო სკოლა, პატარა ქართველებისთვის, სწავლას განაახლებს

📌 ვენეციის ღვინის ფესტივალში მონაწილეობას ქართველი სომელიეებიც მიიღებენ

მასალის გამოყენების პირობები


მთავარი სიახლეები




სხვა სიახლეები

1794929803

ახალი ამბები

თამარ ზოდელავა: ეს არის კარგი მაგალითი, თუ როგორ მუშაობს სახელმწიფო ნებისმიერი საკითხის მოსაგვარებლად ერთობლივად

„საკუთრების უფლების დაცულობა მოქალაქეთათვის უმნიშვნელოვანესი უფლებაა. მაქსიმალურად ყველა უწყების ჩართულობით, ჩვენ ამ პროცესს დავასრულებთ და ბოლომდე მივიყვანთ“, - ამის შესახებ იუსტიციის მინისტრის მოადგ...

თამარ ზოდელავა

1794929777

ახალი ამბები

თამარ ზოდელავა: საჯარო რეესტრმა მართლაც ძალიან კომპლექსური სამუშაო გასწია იმისათვის, რომ შესწავლილი ყოფილიყო მასალები, რომლებიც შეიძლება, საკუთრების უფლებისთვის მნიშვნელოვანი იყოს

„საჯარო რეესტრის ეროვნულმა სააგენტომ მართლაც ძალიან დიდი, კომპლექსური სამუშაო გასწია იმისათვის, რომ შესწავლილი ყოფილიყო საარქივო მასალა, რუკები, რომლებიც შეიძლება საკუთრებისთვის მნიშვნელოვანი იყოს. სა...

თამარ ზოდელავა

1794929206

ახალი ამბები

მარიამ ქვრივიშვილი აზერბაიჯანის რესპუბლიკის პრეზიდენტს შეხვდა

საქართველოს ვიცე-პრემიერი, ეკონომიკისა და მდგრადი განვითარების მინისტრი მარიამ ქვრივიშვილი აზერბაიჯანის რესპუბლიკის პრეზიდენტს ილჰამ ალიევს შეხვდა. მხარეებმა ორ ქვეყანას შორის არსებული სტრატეგიული პარ...

მარიამ ქვრივიშვილი

1794929099

ახალი ამბები

ირაკლი ჭეიშვილი: ჩვენ ვრჩებით ევროკავშირთან მოლაპარაკებების სურვილისა და ცალმხრივი მეგობრობის რეჟიმში, ბურთი არის ევროკავშირის მხარეს, ჩვენ არაფერს ვაფუჭებთ ამ პროცესში, ვიცავთ ჩვენი ქვეყნის სუვერენიტეტს

„ყოველთვის ვამბობთ, რომ ნებისმიერ ჩვენს გადაწყვეტილებაზე ვართ პასუხისმგებლები. ჩვენ ვმოქმედებთ სწორად და პრაგმატულად. ჩვენ შევინარჩუნეთ მშვიდობა, ეკონომიკური წინსვლა, როდესაც მთელი რეგიონი ცეცხლის ალშ...

ირაკლი ჭეიშვილ

1794927446

ახალი ამბები

ირაკლი ზარქუა იუსტიციის სახლის მშენებლობაზე: წალენჯიხელებს ეს სერვისი აუცილებლად სჭირდებოდათ, იმიტომ რომ დაახლოებით 600-ზე მეტი სერვისი იქნება, რომელიც მოემსახურება ადგილობრივებს

წალენჯიხაში იუსტიციის სახლი შენდება. სამშენებლო სამუშაოებს იუსტიციის მინისტრის მოადგილე, იუსტიციის სახლის თავმჯდომარე და დეპუტატი ირაკლი ზარქუა გაეცნენ. მოსახლეობას შესაძლებლობა ექნება, იუსტიციის სახლ...

ირაკლი ზარქუა