პორტუგალიაში, უფროსებს თანამშრომლების არასამუშაო დროს შეწუხება ძვირად დაუჯდებათ

პორტუგალიაში, უფროსებს თანამშრომლების არასამუშაო დროს შეწუხება ძვირად დაუჯდებათ. ინფორმაციას „ევროპის მოამბე“ ავრცელებს.

მათივე ცნობით, ქვეყანამ კანონი მიიღო, რომლის მიხედვითაც, უფროსს უფლება აღარ აქვს, თანამშრომლებს არასამუშაო დროს დაურეკოს, ან ელექტრონულ ფოსტაზე მიწეროს.

ეს "სიამოვნება" თავგასულ უფროსებს სულ მცირე, 10.000 ევრო დაუჯდებათ.

ასე რამ გაამწარათ პორტუგალიელებიო, იკითხავთ.  დასაქმებულები პრობლემას განსაკუთრებით პანდემიის დაწყების შემდეგ შესჯახებიან, როცა მოსახლეობის დიდი ნაწილი ოფისებიდან სახლში გადავიდა სამუშაოდ, ე.წ. ჰოუმ ოფისში.

უფროსები კი წამდაუწუმ ურეკავდნენ თურმე, სხვადასხვა საქმის მოსაგვარებლად, რაც დიდ წნეხში ამყოფებდა პორტუგალიელებს.  დასაქმებულთა გულისტკივილი მყისვე ისმინა ქვეყნის პარლამენტმა და დღეს კანონი ოფიციალურად დაამტკიცა.

გარდა ამისა, დღეიდან, იმ შემთხვევაში, თუ დასაქმებული სახლიდან იმუშავებს, ფირმამ მისთვის ელექტროენერგიის და ბუნებრივი აირის ის ხარჯიც უნდა დაფაროს, რომელიც სამუშაო საათებში დაიწვება. 

პორტუგალიაში დასაქმებულთათვის კიდევ ერთი კარგი ამბავი ის გახლავთ, რომ ამ კვირაში, პრემიერმა ანტონიუ კოშტამ, შემოსავლის მინიმუმი 40 ევროთი გაზარდა და ქვეყანაში 40 საათიან განაკვეთზე მუშაობისას დასაქმებულს 705 ევროზე ნაკლებს ვეღარ გადაუხდიან.

წყარო: „ევროპის მოამბე“

ასევე საინტერესოა:

🔵 დღეიდან კოვიდის საწინააღმდეგო აბი ხელმისაწვდომი იქნება იტალიაში: როდის და როგორ გამოვიყენოთ იგი

🔵 უწმინდესი და უნეტარესი ილია II იუბილარია - პატრიარქი 89 წლის გახდა

🔵 "ბიჭი დღესასწაული წავიდა... წავიდა და ისეთი ტკივილია, კედელი გინდა გაარღვიო" - რას წერს სოფიო მდინარაძე გარდაცვლილ ბიზნესმენ ირაკლი ჭკადუაზე