ძმამ ტყუპისცალი ძმა მოკლა - ტრაგედიის ახალი დეტალები

ძმამ ტყუპისცალი ძმა მოკლა. ტრაგედია გორში ახალი წლის ღამეს დატრიალდა. 

შემზარავი ფაქტი გორის მუნიციპალიტეტის, სოფელ ახალსოფელში მოხდა. სასიკვდილო ჭრილობები ძმამ ძმას ცივი იარაღით მიაყენა.

მკვლელობას 31 წლის ძმების დედაც შეესწრო.

32 წლის გიორგი კუთარაშვილი  კლინიკა „გორმედში“ კრიტიკული მდგომარეობით, სიცოცხლესთან შეუთავსებელი დაზიანებით შეიყვანეს.

როგორც “ინტერპრესნიუსს“ ,,გორმედის“ ექიმმა დავით გასიტაშვილმა განუცხადა, კლინიკაში შეყვანისას პაციენტის მდგომარეობა კრიტიკული იყო, მას აღენიშნებოდა რამდენიმე დაზიანება, მათ შორის ღვიძლის გამჭოლი ჭრილობა და 3 ლიტრამდე ოდენობის სისხლის დანაკარგი, პაციენტი კლინიკაში გულის გაჩერებით შეიყვანეს, შესაბამისი რეანიმაციული ღონისძიებების შემდგომ კი გადაუდებელი ქირურგიული ოპერაცია დაიწყო. ოპერაციის მსვლელობისას რამდენჯერმე კვლავ დაფიქსირდა გულის გაჩერება. სიცოცხლესთან შეუთავსებელი დაზიანებების გამო, პაციენტის გადარჩენა ვერ მოხერხდა.

როგორც მეზობლები ჟურნალისტებთან ჰყვებიან, ძმებს შორის უთანხმოება ადრე არასდროს ყოფილა და მომხდარის მიზეზი, სავარაუდოდ, ალკოჰოლის ზემოქმედების ქვეშ შეკამათება გახდა.

მკვლელობაში ბრალდებული  ტყუპისცალი ძმა, სამართალდამცველებმა მალევე დააკავეს. მას 13-დან 17 წლამდე პატიმრობა ემუქრება.

ასევე საინტერესოა:

🔵 ძმამ ტყუპისცალი ძმა მოკლა - ტრაგედია გორში

🔵 საქართველოში „ომიკრონის“ მასობრივი გავრცელება იწყება - სპეციალისტების პროგნოზი

🔵 პორტუგალიაში, უფროსებს თანამშრომლების არასამუშაო დროს შეწუხება ძვირად დაუჯდებათ