სადღობელაშვილი გიორგი ზურაბაშვილისა და მიხაილ გალუზინის შეხვედრაზე: დიპლომატიას ალტერნატივა არ აქვს, ვიმედოვნებ, ეს პროცესი პრაგმატული შედეგების მომტანი იქნება

თითქმის ორი ათწლეულია საქართველოსა და რუსეთს შუამავლების გარეშე მოლაპარაკება არ ჰქონიათ. ამ ფონზე პირდაპირი ორმხრივი კონტაქტის აღდგენა თავის მხრივ დადებითი პროცესია. ეს არის პრაგმატული ნაბიჯი, რომელიც პირველ რიგში საქართველოს სახელმწიფო ინტერესებს მოემსახურება, - წერს ანალიტიკოსი ლადო სადღობელაშვილი, რუსეთთან ურთიერთობის საკითხებში საქართველოს პრემიერ-მინისტრის სპეციალურ წარმომადგენელ, საგარეო საქმეთა მინისტრის პირველ მოადგილე გიორგი ზურაბაშვილსა და რუსეთის ფედერაციის წარმომადგენელ, საგარეო საქმეთა მინისტრის მოადგილე მიხაილ გალუზინს შორის 19 ნოემბერს ქალაქ მინსკში გასამართ შეხვედრასთან დაკავშირებით.

სადღობელაშვილი აღნიშნავს, რომ პირდაპირი დიალოგი პოზიციების დათმობას არ ნიშნავს, არამედ, საქართველოს სახელმწიფოებრივი პოზიციის უშუალოდ და მკაფიოდ დაფიქსირების შესაძლებლობას იძლევა.

მისივე შეფასებით, შუამავლების გარეშე კომუნიკაცია ხელს შეუწყობს უსაფრთხოების საკითხებზე სწრაფ რეაგირებას, საოკუპაციო ხაზთან მცხოვრები მოსახლეობის პრობლემების მოგვარებას და რეგიონში მშვიდობის შენარჩუნებას.

„თითქმის ორი ათწლეულია საქართველოსა და რუსეთს შუამავლების გარეშე მოლაპარაკება არ ჰქონიათ. ამ ფონზე პირდაპირი ორმხრივი კონტაქტის აღდგენა თავის მხრივ დადებითი პროცესია. ეს არის პრაგმატული ნაბიჯი, რომელიც პირველ რიგში საქართველოს სახელმწიფო ინტერესებს მოემსახურება. პირდაპირი დიალოგი არ ნიშნავს რაიმე სახით პოზიციების დათმობას ანდა მეორე მხარესთან პირისპირ მარტო დარჩენას, ეს ნიშნავს სახელმწიფოებრივი პოზიციის უშუალო და მკაფიო დაფიქსირებას.
- პირდაპირ დიალოგს შეუძლია კონკრეტული სარგებელი მოუტანოს ჩვენს ქვეყანას! საერთაშორისო ფორმატების (როგორიცაა ჟენევის საერთაშორისო დისკუსიები) პარალელურად, ორმხრივი არხების არსებობა აუცილებელია ადგილზე არსებული მწვავე ჰუმანიტარული და უსაფრთხოების პრობლემების ოპერატიულად მოსაგვარებლად და მშვიდობის შესანარჩუნებლად.

კრიზისულ სიტუაციებსა და უსაფრთხოების საკითხებზე სწრაფი რეაგირება შუამავლების გარეშე უფრო ეფექტური იქნება, რაც რეალურად შეამცირებს ესკალაციისა და გაუგებრობების რისკს.

საოკუპაციო ხაზთან მცხოვრები მოსახლეობის უსაფრთხოების, გადაადგილების თავისუფლებისა და უკანონო დაკავებების პრევენციის საკითხებზე პირდაპირი მუშაობა ადამიანების ყოველდღიურ ყოფას გააუმჯობესებს. რეგიონში სიმშვიდისა და პროგნოზირებადი გარემოს შენარჩუნება პირდაპირ აისახება ქვეყნის ეკონომიკურ განვითარებაზე, ტურიზმსა და საინვესტიციო მიმზიდველობაზე.

- ნებისმიერი გრძელვადიანი კონფლიქტის მოგვარება იწყება საუბრით. პირდაპირი დიალოგი ქმნის წინაპირობას, რომ მხარეებმა ერთმანეთის პოზიციები უშუალოდ მოისმინონ.

- დიპლომატიას ალტერნატივა არ აქვს. ვიმედოვნებ, რომ ეს პროცესი პრაგმატული შედეგების მომტანი იქნება და მნიშვნელოვან წვლილს შეიტანს ჩვენი ქვეყნის უმთავრესი ეროვნული მიზნის საქართველოს ტერიტორიული მთლიანობის მშვიდობიანი აღდგენის საქმეში“, - წერს სადღობელაშვილი.

მასალის გამოყენების პირობები


მთავარი სიახლეები




სხვა სიახლეები

1795020137

ახალი ამბები

„გაძვირება უნდა მომხდარიყო აქამდეც, თუ გვინდა, რომ იყოს ეს ავტონომიური ორგანიზაცია და იყოს განვითარებაზე ორიენტირებული, უნდა აწიოს“ - კურორტ გოდერძის ყოფილი მენეჯერი გურო ალაფიშვილი

„იქიდან გამომდინარე, რომ კურორტების ეკიპირება, ანუ რითაც არის აღჭურვილი მთის კურორტი - ეს არის საბაგირო, სატკეპნი მანქანები, გათოვლიანება, ღამის სრიალი - აბსოლუტურად ლოგიკური იყო ამის გაძვირება. გაძვი...

გურო ალაფიშვილი

1795019638

ახალი ამბები

არასრულწლოვანის გაუპატიურების, მის მიმართ სექსუალური ხასიათის სხვაგვარი ქმედების, გარყვნილი ქმედების და იძულების ფაქტებზე ბრალდებულს 18 წლით თავისუფლების აღკვეთა მიესაჯა

პროკურატურის მიერ წარდგენილი მტკიცებულებების საფუძველზე, არასრულწლოვანის გაუპატიურების, მის მიმართ სექსუალური ხასიათის სხვაგვარი ქმედების, გარყვნილი ქმედების და იძულების ფაქტებზე ბრალდებულს 18 წლით თა...

პროკურატურაპროკურატურა

1795017669

ახალი ამბები

დავით მათიკაშვილი: დღეს ევრობიუროკრატია აბსურდის თეატრში იმყოფება

საპროცედურო საკითხთა კომიტეტის თავმჯდომარე დავით მათიკაშვილი „დღის ქრონიკაში“ ევროკავშირის კვლევას გამოეხმაურა. „დღეს ევრობიუროკრატია აბსურდის თეატრში იმყოფება, რომელიც გამორიცხულია, რომ ვერ გრძნობდეს...

 დავით მათიკაშვილი

1795014989

ახალი ამბები

მარიამ ქვრივიშვილი: აზერბაიჯანში ოფიციალური ვიზიტის ფარგლებში განვიხილეთ ახალი შესაძლებლობები, რომლებიც კიდევ უფრო მეტად გაამყარებს ქვეყნებს შორის არსებულ დინამიკას

„აზერბაიჯანში ოფიციალური ვიზიტის ფარგლებში გამართული შეხვედრებისას ჩვენ ვისაუბრეთ ორ ქვეყანას შორის არსებულ აქტიურ და დინამიურად განვითარებად სავაჭრო-ეკონომიკურ ურთიერთობებზე“, - განაცხადა საქართველოს...

მარიამ ქვრივიშვილი

1795014495

ახალი ამბები

მარიამ ქვრივიშვილი აზერბაიჯანის რესპუბლიკის პრემიერ-მინისტრ ალი ასადოვს შეხვდა

საქართველოს ვიცე-პრემიერი, ეკონომიკისა და მდგრადი განვითარების მინისტრი მარიამ ქვრივიშვილი აზერბაიჯანის რესპუბლიკის პრემიერ-მინისტრ ალი ასადოვს შეხვდა. შეხვედრა ვიცე-პრემიერის აზერბაიჯანში ოფიციალური...

მარიამ ქვრივიშვილი