შალვა პაპუაშვილი: როცა ევროკავშირში მიგრაციის მიმართ დამოკიდებულება შეიძლება გამკაცრდეს, თავის მხრივ მოსალოდნელია, რომ გარკვეულმა ნაკადებმა საქართველოსკენ გადმოინაცვლოს

„როდესაც ევროკავშირში მიგრაციის მიმართ დამოკიდებულება შეიძლება გამკაცრდეს, თავის მხრივ მოსალოდნელია, რომ შესაძლოა გარკვეულმა ნაკადებმა საქართველოსკენ გადმოინაცვლოს, ამიტომ მნიშვნელოვანია, რომ ერთი მხრივ, არსებული გამოწვევები აღმოვფხვრათ და მეორე მხრივ, მომზადებული შევხვდეთ საკანონმდებლო ჩარჩოს კუთხით შესაძლო სხვადასხვა მიგრაციულ პროცესს“, - განაცხადა საქართველოს პარლამენტის თავმჯდომარემ შალვა პაპუაშვილმა, რითაც უპასუხა კითხვას - შსს-მ მოამზადა მორიგი საკანონმდებლო ცვლილებათა პაკეტი, საქმე ეხება მიგრაციის პროცესების მართვის ეფექტიანი მექანიზმის გაუმჯობესებას - რაზე მიუთითებს ეს ცვლილებები?

პაპუაშვილის თქმით, მიგრაციის მართვა ერთ-ერთი მთავარი გამოწვევაა დღევანდელ მსოფლიოში.

„ჩვენ ვნახეთ სადამდე მიდის მდგომარეობა, როდესაც მიგრაციის პროცესი არის მიშვებული, და ეს ჩვენ ვნახეთ ევროკავშირის მაგალითზე, თუ რა გამოწვევებისა და რისკების წინაშე დადგა ევროკავშირი, იმიტომ რომ ბრიუსელი თავქარიანად მოექცა მიგრაციის პროცესების მართვის მნიშვნელობას.

ახლა ცდილობენ ამის გამოსწორებას, საუბარია გამკაცრებაზე და რა თქმა უნდა ამის ფონზე, როდესაც ევროკავშირში მიგრაციის მიმართ დამოკიდებულება შეიძლება გამკაცრდეს, თავის მხრივ მოსალოდნელია, რომ შესაძლოა გარკვეულმა ნაკადებმა საქართველოსკენ გადმოინაცვლოს, ამიტომ მნიშვნელოვანია, რომ ერთი მხრივ, არსებული გამოწვევები აღმოვფხვრათ და მეორე მხრივ, მომზადებული შევხვდეთ საკანონმდებლო ჩარჩოს კუთხით შესაძლო სხვადასხვა მიგრაციულ პროცესს. ამიტომ, ეს ერთ-ერთი მთავარი ამოცანაა ჩვენი ხელისუფლებისთვის“, - განაცხადა პაპუაშვილმა.