ევროკავშირის ქვეყნებში გამგზავრებისა და  დაბრუნების ყველა წესი

1-ლი ივლისიდან, ძალაში შევიდა ევროპული მწვანე სერტიფიკატი, რომელიც საშუალებას გაძლევთ გადაადგილდეთ ევროკავშირის ქვეყნებში, საკარანტინო ვალდებულების გარეშე.

იტალიის საზღვრის გადაკვეთისთვის საკმარისია ვაქცინაციის დამადასტურებელი დოკუმენტი, ტესტის ნეგატიური პასუხი ან ვირუსისგან გამოჯანმრთელების (წინა ექვსი თვის განმავლობაში) ცნობა. 

უფრო დეტალურად - ევროპული მწვანე სერტიფიკატი, ყველაფერი რაც თქვენ უნდა იცოდეთ:

მიუხედავად იმისა, რომ ევროკომისიამ, ევროკავშირის ქვეყნებში გადაადგილების მიზნით რეკომენდაცია, მხოლოდ ვაქცინაციის სრული კურსის შემთხვევაში გასცა, ბევრმა წევრმა ქვეყანამ, გადაწყვიტა მიიღოს „განახევრებული მწვანე საშვი“. ამიტომ, საკმარისია გამგზავრებამდე, 14 დღით ადრე გაიკეთოთ აცრა. პირველი დოზის გაკეთების შემდეგ, თქვენ შეგიძლიათ ევროკავშირის ქვეყნებში გადაადგილება. 

ვაქცინის დამადასტურებელი დოკუმენტი, ტესტის უარყოფითი პასუხი ან ვირუსისგან გამოჯანმრთელების ცნობა შეგიძლიათ ჩამოტვირთოთ ოფიციალური ვებგვერდიდან. ვებგვერდზე, თქვენ უნდა შეხვიდეთ, თქვენი ჯანმრთელობის ბარათის მონაცემების გამოყენებით და შეიყვანოთ ტექსტური შეტყობინების საშუალებით მიღებული Authcod. სხვაგვარად, ასევე შესაძლებელია წვდომა Spid- ის, Immuni App- ის ან Io აპლიკაციის საშუალებით. ამ ეტაპზე, მწვანე სერტიფიკატის დაბეჭდვა ან შენახვა შესაძლებელია ციფრული ფორმით.

რამდენ ხანს მოქმედებს ევროპული მწვანე სერტიფიკატი? თუ მწვანე სერტიფიკატის ხანგრძლივობა დაახლოებით 9 თვეს შეადგენს. ხოლო ტესტის გაკეთების შემთხვევაში მხოლოდ 24 საათი.

მოგზაურობის დროს, მწვანე სერტიფიკატს ამოწმებს პოლიცია ან პორტების, აეროპორტებისა და რკინიგზის სადგურების პერსონალი.