იტალიამ 5-დან 11 წლამდე ბავშვების ვაქცინაცია დაუშვა

იტალიამ, 5-11 წლის ბავშვების ვაქცინაცია დაუშვა. იტალიის წამლის სააგენტომ, ამის შესახებ გადაწყვეტილება დღეს მიიღო, რაც ევროპული წამლის სააგენტოს 25 ნოემბრის გადაწყვეტილების ლოგიკური გაგრძელება იყო.

ბავშვების ვაქცინაცია, მხოლოდ ფაიზერით და ორ ეტაპად, სამკვირიანი ინტერვალით მოხდება. რაც შეეხება დოზას, ბავშვებს მოზრდილის დოზის მესამედს გაუკეთებენ.

ამ დროისთვის არსებული კვლევების საფუძველზე, ბავშვების ვაქცინაცია, უსაფრთხოების მხრივ, განგაშის საფუძველს არ იძლევა.

„კოვიდ19“-ი როგორც ცნობილია, ბავშვებში შედარებით მსუბუქად მიმდინარეობს, მაგრამ ზოგიერთ შემთხვევაში, ის შეიძლება დაკავშირებული იყოს ისეთ გართულებებთან, როგორიცაა მულტისისტემური ანთებითი სინდრომის განვითარების რისკი, რის გამოც ბავშვები რეანიმაციაშიც ხვდებიან.

აქამდე იტალიაში მხოლოდ 12 წელს ზემოთ მოზარდების აცრა იყო შესაძლებელი. თუ გავითვალისწინებთ დაინფიცირების შემთხვევების გამო, ეტაპობრივად რა რაოდენობის კლასები გადავიდნენ ონლაინ სწავლებაზე, ვნახავთ, რომ ასეთი კლასების 60-70% დაწყებითი, ანუ აუცრელი კლასებია. ვაქცინაციის კამპანია ფაქტობრივად თითქმის  სრულ დასწრებას განაპირობებს, რაც ბავშვების განვითარებისათვის, განსაკუთრებით ამ ასაკში, უმნიშვნელოვანესია. რაც შეეხება მასწავლებლებს, მათი 95% აცრილია, 3% ჯანმრთელობის პრობლემების გამო ვერ იცრება. შესაბამისად მხოლოდ 2 პროცენტია ვაქცინაციის წინააღმდეგი.

წყარო: Ansa.it