რა ღირს უძრავი ქონება იტალიაში?

იტალიაში უძრავი ქონების შეძენა არც თუ ისე მარტივი და საკმაოდ ძვირადღირებული სიამოვნებაა, ხოლო პანდემიამ ეს სიამოვნება უფრო ძვირადღირებული გახადა, რადგან 2020 წელთან შედარებით, იტალიაში უძრავ ქონებაზე ფასმა მოიმატა. მაგალითად, თუ გასულ წელს ერთი კვადრატული მეტრი საშუალოდ 1917 ევრო ღირდა, წელს ეს რიცხვი 1944 ევრომდე გაიზარდა, მაშინ როდესაც, 2019 წელს კვ. მ-ის ღირებულება 1879 ევრო იყო, მაგრამ ეს არის საშუალო მაჩვენებელი, და ამან შეცდომაში არ უნდა შეგიყვანოთ, რადგან რეგიონების მიხედვით, ფასები რადიკალურად იცვლება.

იტალიაში, 2021 წლის სექტემბრის მონაცემებით, უძრავ ქონებაზე ყველაზე მაღალი ფასი რეგიონ ტრენტინო-ალტო-ადიჯეში დაფიქსირდა, სადაც კვ.მ. 2847 ევრო ღირს. უძრავი ქონება ყველაზე ნაკლები, კალაბრიის რეგიონში ღირს, აქ კვ.მ-ის ღირებულება 927 ევროა.

რაც შეეხება ქირას, ამ შემთხვევაშიც ყველაზე იაფ რეგიონს კალაბრია წარმოადგენს 5,40 ევრო ერთი კვადრატული მეტრი, ხოლო ყველაზე ძვირადღირებული რეგიონი, ლომბარდიაა 14,40 ევროთი.

შემოგთავაზებთ, უძრავი ქონების ფასებს, რეგიონების და კვადრატული მეტრის ღირებულების მიხედვით:

რეგიონი          (1კვ.მ.)                    ყიდვა           ქირა

ლომბარდია                                    2109             14,40

ლაციო                                            2426             13,10

ტოსკანა                                          2429             12,20

კამპანია                                          1846             9,10

კალაბრია                                        927               5,40

სიცილია                                          1125             6,80

ტრენტინო-ალტო-ადიჯე               2847             10.80

ვენეტო                                            1755              9,80

პიემონტე                                         1342              8,00

ლიგურია                                         2532              9,00

ემილია-რომანია                            1806              10,90

აპულია                                            1290              7,50

ფრიული-ვენეცია-ჯულია                1465              8,50

მარკე                                               1567              7,90

ბაზილიკატა                                     1348              6,80

უმბრია                                             1141              6,80

სარდენია                                         2154             10,80

აბრუცო                                            1285              6,90

ვალე-დ'აოსტა                                 2508              12,10

მოლიზე                                            991                5,70

წყარო: immobiliare.it