საქართველოს 64 მუნიციპალიტეტში არჩეული საკრებულოები დღეიდან მუშაობას იწყებენ

დღეიდან, საქართველოს 64 მუნიციპალიტეტში 2021 წლის ოქტომბრის ადგილობრივი თვითმმართველობის არჩევნების შედეგად არჩეული საკრებულოები, უფლებამოსილების შესრულებას შეუდგებიან. 

საქართველოს ცენტრალური საარჩევნო კომისიის მიერ 25 ნოემბერს გამოცემული განკარგულებით, ახალი მოწვევის საკრებულოების პირველი სხდომები 3 დეკემბერს, 12:00 საათზე ჩატარდება.

პარტია „საქართველოსთვის“ წევრმა ბერდია სიჭინავამ თქვა, რომ სადაც ბერკეტი გააჩნიათ, არც ერთ პარტიას არ მისცემენ ერთპარტიულად და ერთპიროვნულად საკრებულოების მართვისა და კრიზისის შექმნის შესაძლებლობას.

2021 წლის ოქტომბრის 2-ტურიანი ადგილობრივი არჩევნების შედეგად, მმართველმა პარტიამ, "ქართული ოცნება-დემოკრატიული საქართველო", ერთპარტიული უმრავლესობა დაკარგა შვიდ - წალენჯიხის, ზუგდიდის, მარტვილის, ჩხოროწყუს, სენაკის, რუსთავის და ბათუმის საკრებულოებში, სადაც ყველაზე მეტი წევრი "ქართულ ოცნებას" და "ნაციონალურ მოძრაობას" ჰყავთ, გადამწყვეტს ხმებს კი ფლობს ყოფილი პრემიერ - მინისტრის  გიორგი გახარიას პარტია "საქართველოსთვის". 

შეგახსენებთ, რომ ოპოზიციის პროტესტის პარალელურად, რამდენიმე საკრებულომ 2022 წლის ბიუჯეტი მაინც  დაამტკიცა.

ასევე საინტერესოა:

🔵 პროტესტის მიუხედავად ბათუმისა და ზუგდიდის საკრებულომ 2022 წლის ბიუჯეტის პროექტი დაამტკიცა

🔵 „რასაც წამალი ვერ უშველის, უშველის დანა, რასაც დანა ვერ უშველის, უშველის ცეცხლი!“ - მურმან დუმბაძე