შესაძლოა სკოლის მოსწავლეებს კოვიდტესტირება კვირაში ერთხელ ჩაუტარდეს - იტალიის მთავრობა საკითხზე მსჯელობს

შესაძლოა სკოლის მოსწავლეებს კოვიდტესტირება კვირაში ერთხელ ჩაუტარდეს - იტალიის მთავრობა საკითხზე მსჯელობს.

ვენეტოს რეგიონის გუბერნატორი ლუკა ზაია სკოლის მოსწავლეებისთვის კოვიდ ტესტების გადაცემის ინიციატივით გამოდის.

,,ყველა მოსწავლეს მივცეთ კოვიდ ტესტების გასაკეთებლად სპეციალური კიტ კომპლექტი, რომელსაც კლასშივე თვითონ მასწავლებლების და თანაკლასელების თვალწინ გაიკეთებენ. ეს გამოყენებული იქნება საკლასო ოთახებში უსაფრთხოების მაღალი ხარისხის უზრუნველსაყოფად და დისტანციური სწავლების დაბრუნების საფრთხის თავიდან აცილების მიზნით. სკოლები რომ თებერვალში დავიწყოთ ამით ტრაგედია არ მოხდება."- აცხადებს ვენეტოს გუბერნატორი. ლუკა ზაია

მთავრობას სთავაზობს განიხილონ მისი ინიციატივა და ამის გასამყარებელ არგუმენტად ისრაელისა და გაერთიანებული სამეფოს მაგალითი მოჰყავს, სადაც ამ მეთოდმა სკოლებში კარგი შედეგი გამოიღო.

როგორც Corriere della sera-თან გაკეთებულ ინტერვიუში მან განაცხადა ,,სკოლის დაწყებისთანავე თითოეულ მოსწავლეს კვირაში ერთხელ ან ორჯერ მიეწოდება კოვიდ ტესტები, თუმცა უნდა განვიხილოთ კონკრეტულად რა ასაკის მოსწავლეებში შევიტანთ კოვიდ ტესტებს. რა თქმა უნდა ასე გავაგრძელებთ მანამ, სანამ სკოლებში ვირუსის გავრცელების რისკები არ შემცირდება."

ნონა გედენიძე სპეციალურად ExclusiveTV.ge-სთვის ემილია-რომანიადან