ზუგდიდის მერსა და მის პირველ მოადგილეს კორონავირუსი დაუდასტურდათ

ზუგდიდის მუნიციპალიტეტის მერს მამუკა წოწერიას და ზუგდიდის მერის პირველ მოადგილეს კონსტანტინე კაკავას კორონავირუსი დაუდასტურდათ.

ამის შესახებ ინფორმაცია მერმა და მისმა მოადგილემ ფეისბუკის ოფიციალურ გვერდზე გაავრცელეს.

როგორც აღნიშნული ინფორმაციიდან ირკვევა, მერი და მისი მოადგილე იზოლაციის წესებიდან გამომდინარე მუშაობის დისტანციურ რეჟიმზე გადადიან.

"დამიდასტურდა კოვიდ ინფექცია, ვიყავი ინფიცირებულის კონტაქტი და ამიტომაც გავიტესტე.

სიმპტომები არ მქონია, ვაქცინირებული ვარ, რისი დამსახურებითაც კოვიდინფექცია მსუბუქად მიმდინარეობს.

ყველას მოგიწოდებთ ავიცრათ, პანდემიასთან საბრძოლველად ეს ერთადერთი და ეფექტური გზაა.

გადავდივარ მუშაობის დისტანციურ რეჟიმზე.

ყველას გისურვებთ გამოჯანმრთელებას!",- აღნიშნულია ზუგდიდის მერის მამუკა წოწერიას ფეისბუკის ოფიციალურ გვერდზე გავრცელებულ ინფორმაციაში.

კორონავირუსით დაინფიცირების შესახებ ინფორმაცია, ასევე სოციალურ ქსელში დაწერა ზუგდიდის მერის მოადგილემ კონსტანტინე კაკავამ:

"მეგობრებო, დამიდასტურდა კორონავირუსი!

ამ ინფექციასთან ბრძოლა შესაძლებელია ექიმების რეკომენდაციების გათვალისწინებითა და დაცვით - აცრით!

გავუფრთხილდეთ ერთმანეთს  

ვარ აცრილი და ვირუსი საკმაოდ მსუბუქ ფორმებში მაქვს!

ყველას გისურვებთ ჯანმრთელობასა და კეთილდღეობას", - წერს კონსტანტინე კაკავა.

გასულ დღე-ღამეში საქართველოს მასშტაბით კორონავირუსით ინფიცირების 17 066 ახალი შემთხვევა დადასტურდა. დადებითობის დღიური მაჩვენებელია 26.5%-ია.

სხვა სიახლეები:

🔵 "პირბადე არ გვინდა, დისტანცია არ გვინდა, ვაქცინა არ გვინდა!"- რა ფოტოებს აქვეყნებს გიორგი ფხაკაძე

🔵 "სავარაუდოდ ორი კვირის შემდეგ დაიწყებს ინფიცირების მაჩვენებელი კლებას" - ვახტანგ კალოიანი ეპიდვითარებაზე

🔵 COVID-ის შემდეგი ვარიანტი უფრო გადამდები იქნება, ვიდრე ეს "ომიკრონია"