იტალია - მამაკაცი საცოლეს და სასიდედროს სხეულით ვაჭრობას აიძულებდა

ერთმანეთი სოციალური ქსელის საშუალებით გაიცნეს. თავიდან ყველაფერი არაჩვეულებრივად იყო. 26 წლის მამაკაცი გოგონას თავს ევლებოდა,  ყურადღებით ანებივრებდა, მაგრამ მის რეალურ განზრახვაში არაფერი იყო რომანტიკული. ახალგაზრდა ქალს, რომელსაც მამაკაცი საცოლედ მოიხსენიებდა, ფსიქოლოგიური პრობლემები ჰქონდა, რითაც „საქმრომ“ ისარგებლა და ურთიერთობის დაწყებიდან რაღაც პერიოდის შემდეგ, მას სხეულით ვაჭრობა, ხოლო აღებული თანხით, საერთო მომავლის მოწყობა შესთავაზა. თავიდან  გოგონა უარზე იყო, მაგრამ საბოლოოდ, „საქმროსგან“ მიტოვების შიშის გამო, დასთანხმდა წინადადებას.

მამაკაცმა ის რამდენიმე საიტზე დაარეგისტრირა, მამაკაცებთან პაემნებსაც თავად ათანხმებდა და გრაფიკსაც. შეხვედრები გოგონას ბინაში ხდებოდა. სულ მალე ამ საქმიანობაში გოგონას 50 წლის დედაც აღმოჩნდა ჩათრეული. მამაკაცმა მისი დარწმუნებაც შეძლო, რომ ეს საუკეთესო გამოსავალი იყო მომავლის ასაწყობად.

განგაშის ზარს მსხვერპლის კოლეგებმა შემოჰკრეს, რომელთაც მის კომპიუტერში „უცნაური“ ფოტოები და მიმოწერა ნახეს და პოლიციას აცნობეს. მამაკაცი ამჟამად დაკავებულია და სასამართლო პროცესამდე აღკვეთის ღონისძების სახით, პატიმრობა აქვს შეფარდებული. ფაქტი ტურინის ერთ-ერთ პროვინციაში მოხდა.

წყარო: torino.corriere.it

აგრეთვე დაგაინტერესებთ:

🔴 უცხოელი ქალები და სამუშაო, როგორ შეიცვალა სიტუაცია იტალიაში პანდემიის გამო

🔴 იტალია ზამთრის დროზე გადადის - როდის გადავწიოთ საათის ისრები

🔴 “ჩვენ ვართ ქვეყანა მეხსიერების გარეშე… ქვეყანა, სადაც ბავშვებისთვის სამკურნალო თანხები ემიგრანტების შესაგროვებელია”

🔴 კონკურსი იტალიაში მცხოვრები ახალგაზრდა თაობის წარმომადგენლებისათვის